पोखरा, १५ चैत । लकडाउनका समयमा पोखरा महानगरपालिका वडा नं ३३ स्थित बरभोटेनी हुँदै तनहु तथा स्याङ्जा तर्फ आवतजावत गर्ने क्रम बढे पछि आज यहाँका स्थानीयवासीले बाटो बन्द गरिदिएका छन् ।
साविक भरतपोखरी गा.वि.स.को वडा नं ५ र ६ को सिमानामा पर्ने बर भोटेनी हुँदै तनहुको दुलेगौंडा, स्याङ्जाको प्युरी दोभान लगायतका स्थानका साथै ती स्थानबाट पोखराको छोरेपाटन निस्कने क्रम बढे पछि बरभोटेनीमा बाटोमा किला गाडेर बाँस लगायतको काठपात प्रयोग गर्दै बार लगाएर आवतजावतमा रोक लगाइएको हो ।
लकडाउनको समयमा पनि पोखराको छोरेपाटनबाट दक्षिण पश्चिम भेगका बैकल्पिक बाटो प्रयोग गरी दुलेगौंडा एवम् तनहुका विभिन्न स्थानमा आवतजावत गर्ने प्रबृति बढेका कारण आफुहरु बाटो बन्द गर्न बाध्य भएको स्थानीयवासी मदन खड्का क्षेत्रीले जानकारी दिए ।
आवतजावतमा रोक लगाउँदै स्थानीयवासीले बरपौवा टोल विकास संस्थाका नाममा सूचना जारी गरी कोरोना भाइरसको संक्रमणलाई रोक्नका लागि बाटो रोक्नुपरेको जनाइएको छ ।
विश्वव्यापी फैलिएको कोरोना भाइरसको संक्रमण भित्रन नदिन सर्वसाधारण सचेतका साथै प्रतिवद्ध बन्दै गएको बर्तमान अवस्थामा यसको रोकथामका लागि सरकारले संक्रमितको पहिचान गरी उपचारको दायरामा ल्याउनुपर्ने स्थानीय समाजसेवी चेतबहादुर महतले बताए ।
Related News
सम्बन्धित समाचार
नवलपुरमा २५ सय हेक्टर वन सखाप
गण्डकीमा डायलासिसका लागि अब पालो कुर्न नपर्ने
अधिकारी सरकारको मुख्य न्यायाधिवक्ता चिरन्जीवी शर्मा !
कामचलाउ सरकारको आयु लम्बियो
गण्डकी सरकार विरुद्धको रिट सपना र सारंगाको बेन्चमा
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१