बिश्वब्यापी रूपमा फैलिएको काेराेना भाइरस काेभिड १९ काे संक्रमित नेपालमा पनि देखिएपछि सरकारले गरेको लकडाउनकाे चाैथाे दिन बागलुङ नगरपालिकाले संक्रमण राेक्न डिसइन्फेक्सन छर्न शुरू गरेको छ ।

बागलुङ नगरपालिकामा कोरोना भाइरस (कोभिड–१९) को संक्रमण रोक्न डिसइन्फेक्सन छर्न सुरु गरिएको बागलुङ नगरपालिकाले जनाएको छ  । नगरपालिकाले आज (शुक्रबार) देखि बागलुङ  बजार क्षेत्रमा डिसइन्फेक्सन छर्न सुरु गरेको हाे  ।

आज लकाडाउनको चौथो दिनबाट नगरपालिकाले यो अभियान थालनी गरेको हो । नगरपालिकाका  उप प्रमुख सुरेन्द्र खड्काले  संक्रमण हुन नदिनका लागि डिसइन्फेक्सन छर्न थालेकाे बताए । प्र  आजदेखि बजार क्षेत्रमा छर्न सुरु गरेका  विस्तारै ग्रामीण भेगमा समेत छर्न सुरु गर्ने बागलुङ नगरपालिकाका बरिस्ठ योजना तथा प्रशासकीय अधिकृत युक्त सुवेदीले बताए । भाइरसलाई मार्नका लागि पानीमा क्लोरिन मिसाएर डिसइन्फेक्सन तयार गरिन्छ ।

बागलुङ नगरपालिकाका कर्मचारीले बागलुङ नगरपालिकाकाे वडा नम्बर २ वरिपरिका घरका सटर बिजुलीको पाेल लगायतका ठाउँमा डिसइन्फेक्सन छरेका थिए ।काेराेना भाइरसकाे संक्रमण बाट जाेगिन बागलुङ नगरवासीलाइ घरमै सुरक्षित बस्न अनुरोध गरेको छ । अहिले यश अभियानमा बागलुङ नगरपालिकाका उप मेयर सुरेन्द्र खड्का बरिस्ठ योजना तथा  प्रशासकीय अधिकृत युक्त सुवेदी नगरपालिकाका स्वास्थ प्रमुख रामप्रसाद खनाल लगायतका ब्यक्तिहरू सहभागी  छन् ।