लायन्स क्लबको आश्रममा सहयोग

Avatar आदर्श समाज सम्वाददाता
चैत्र ८, २०७६

पोखरा, ८ चैत । लायन्स क्लब अफ पोखरा आदर्श चौतारीले शनिबार साईबाल आश्रम रानीपौवाका विधार्थीलाई लत्ता कपडा, जुत्ता, माक्स र सेनिटाईटर वितरण गरेको छ ।
क्लबले लमजुङ बेंसीशहरका दुवै मृगौला पीडित सुरज गुरुङलाई २५ हजार पाँच सय १ रुपैयाँ उपचार खर्च समेत सहयोग हस्तान्तरण गरेको छ ।

प्रमुख अतिथि क्याविनेट सेक्रेटरी विनोद ढुंगानाले सहयोग प्रदान गदैं आपतकालिन अवस्था र गरीब विपन्नलाई लायन्स क्लब सधै एकसाथ जुटने अपेक्षा ब्यक्त गरे । त्यसैगरी साईबाल आश्रमकी उपाध्यक्ष अनुपमा श्रेष्ठले क्लबको सहयोग प्रति धन्यवाद प्रकट गर्दै समाजिक सेवामा लायन्स कलबले अग्रणी भूमिका निर्वाह गरेको बताइन् ।

क्लबका अध्यक्ष भरतराज सिग्देलको अध्यक्षतामा भएको कार्यक्रममा सयोजक दयाशंकर गौतम,उपाध्यक्ष मोहनराज पौडेल लगायतले शुभकामना मन्तव्य राखेका थिए भने सयोजक किशोर कुमार रन्जितले धन्यवाद, सहसचिव दामोदर आचार्यले स्वागत र संचालन सचिव रूकबहादुर गुरुङले गरेका थिए ।