पोखरा । लायन्स क्लब अफ पोखरा आदर्श चौतारीको वर्ष २०२४÷२५ का लागि अध्यक्षमा सूर्य पोख्रेल चयन भएका छन् । शनिबार भएको निर्वाचन कार्यक्रममा प्रथम उपाध्यक्षमा नारायणबहादुर थापा, द्वितीय उपाध्यक्षमा भगवान श्रेष्ठ, तृतीय उपाध्यक्षमा दीपकप्रसाद घिमिरे चयन भएका छन् ।

सचिवमा सूर्यबहादुर राना, कोषाध्यक्ष नारायणप्रसाद लामिछाने, सहसचिवमा दीपककुमार गुरुङ र सहकोषाध्यक्ष मा शंकर कार्की चयन भएका छन् ।

क्लबको प्रशासकमा पूर्व अध्यक्ष वसन्तराज कोइराला, मेम्बरसिप चियर पर्सन अमृत भण्डारी, एलसिआइएफ कोर्डिनेटर सविन गौतम, सर्भिस चियरपर्सन महेन्द्र कुँवर मार्केटिङ चेयरपर्सन असिभजंग कार्की छन् ।

क्लबका निवर्तमान अध्यक्ष रुकबहादुर गुरुङको संयोजकत्वमा भएको निर्वाचन कार्यक्रम २०२३/२४ का अध्यक्ष दामोदर आचार्यको सभापतित्वमा भएको थियो । कार्यक्रममा सस्थापक अध्यक्ष वासुदेव कोइराला, जोन चियरपर्सन रुकबहादुर गुरुङ, पूर्व अध्यक्ष दयाशंकर गौतम, भरतराज सिग्देल लगायतले नयाँ कार्यसमितिलाई बधाई एवं शुभकामना व्यक्त गरेका थिए ।

निर्वाचित अध्यक्ष पोखरेलबाट आफ्नो भावी योजनासहितको संस्थागत प्रतिबद्धता प्रस्तुत गरेका थिए ।