पोखरा । लायन्स क्लब अफ पोखरा अर्पण, आदर्श र महिमा बचत तथा ऋण सहकारी सस्था लिमिटेडको संयुक्त आयोजनामा मंगलबार लामाचौरचोकमा रक्तदान कार्यक्रम भएको छ । कार्यक्रममा ३२ युनिट रगत संकलन भएको कार्यक्रम सहसंयोजक लायन्स अर्पणकी अध्यक्ष उर्मिला बस्नेतले जनाइन् ।

पोखरा १९ का वडाध्यक्ष पुष्पेन्द्र पाण्डेले पहिलो रक्तदाता नवीन भण्डारीलाई ब्लड व्याग हस्तान्तरण गरी कार्यक्रमको उद्घाटन गरेका थिए । कार्यक्रममा सहकारीको सामाजिक दायित्व र लायन्स क्लबको समाज सेवाबाट गरिने काम उल्लेखनीय पुण्यको कार्य भएको विचार व्यक्त गरे ।

सहकारी अध्यक्ष कृष्ण गुरुङको अध्यक्षता भएको कार्यक्रममा ब्लड डोनेसन एडिसनल डिस्ट्रिक्ट को–अर्डिनेटर सन्तोष श्रेष्ठ, संयोजक गोविन्द चापागाईं, प्राविधिक महेन्द्र केसी लगायतले रगत र रक्तदानको महत्वबारे आ–आफ्नो धारणा व्यक्त गरेका थिए । कार्यक्रममा स्वागत आदर्श अध्यक्ष विष्णु गौतम र सञ्चालन अर्पणकि पूर्व अध्यक्ष हिरा भण्डारीले गरेकी थिइन् ।