पोखरा । पोखरा रत्नचोकस्थित सबलाइम अङ्ग्रेजी माविको २४ औं वार्षिकोत्सव, अभिभावक दिवस तथा पुरस्कार वितरण सम्पन्न भएको छ । कार्यक्रम उद्घाटन गर्दै गण्डकी प्रदेशसभा उपसभामुख सिर्जना शर्माले विद्यालयले शैक्षिक क्षेत्रमा पु¥याएको योगदानको प्रशंसा गरिन् ।

कार्यक्रममा विद्यालयका सहायक प्रिन्सिपल त्रिभुवन पराजुलीले विद्यालयको शैक्षिक गतिविधिबारे प्रकाश पारेका थिए । त्यस अवसरमा राष्ट्रिय परीक्षा बोर्ड प्रदेश कार्यालयका निर्देशक विष्णुनारायण श्रेष्ठ, शिक्षा विकास तथा समन्वय इकाइ प्रमुख नारायणप्रसाद सुवेदी, पोखरा ७ का वडाध्यक्ष रामचन्द्र बराललगायतले बोलेका थिए ।

कार्यक्रममा विद्यार्थीले विभिन्न सांस्कृतिक कार्यक्रम प्रस्तुत गरेका थिए । वार्षिक पुरस्कार, अतिरिक्त क्रियाकलाप तथा खेलकुद सप्ताह २०७६ को पुरस्कार, मेडल तथा ट्रफी वितरण गरिएको थियो । कार्यक्रम विद्यालयका संयोजक पुष्पराज पराजुलीले संयोजन गरेका थिए । कार्यक्रम विद्यालय व्यवस्थापन समिति अध्यक्ष युवराज पराजुलीको अध्यक्षतामा भएको थियो ।