पोखरा । पोखराको चाउथे स्थित कास्की मोडनाइज्ड एकेडेमीले विद्यार्थीमा रहेको अन्तरनिहित प्रतिभा पहिचान तथा वार्षिक पुरस्कार वितरण कार्यक्रम सम्पन्न भएको छ । विद्यार्थी भित्र लुकेर रहेको क्षमतालाई वाहिर प्रस्तुत गर्न सकोस भन्ने उद्देश्यले यस्ता किसिमका कार्यक्रमको आयोजना गरिएको हो ।
पुर्व प्रावि जुनियर र सिनियर गरी तीन तहमा सञ्चालन गरिएको उक्त कार्यक्रममा नृत्य, गायन, भाषणकला, अभिनय चित्रकला, संगित जस्ता विभिन्न विद्यामा आ–आफ्नो प्रतिभा प्रस्तुत गर्ने मौका विद्यार्थीले पाएका थिए । उक्त कार्यक्रममा प्रस्तुती क्षमतको मापनका लागि वौद्धिक प्रश्नहरु पनि सोधिएको थियो । २०७५ सालको शैक्षिक, खेलकुद, अतिरिक्त क्रियाकलाप र आधारभुत तह, एसइई र प्लसटु मा सर्वोत्कृष्ट ल्याउने विद्यार्थीलाई नगदसहित सम्मान गरिएको थियो । विद्यालय प्राङ्गणमा आयोजित कार्यक्रममा विद्यालय व्यवस्थापन समितिका अध्यक्ष राधा नेपाली प्रमुख अतिथिको रुपबाट बोल्दै विद्यालयले आयोजना गर्ने हरेक कार्यक्रम विद्यार्थीका लागि आफैमा महत्वपुर्ण हुने बताइन् ।
विद्यालयका संस्थापक प्राचार्य रामबहादुर मोचीले विद्यालयले अहिलेको विश्व सामु हरेक व्यक्तिले हरेक क्षेत्रमा प्रतिस्पर्धा गरेर अगाडि बढ्नु पर्ने बताए । त्यसैगरी विद्यालयका इन्चार्ज शिवलाल उपाध्यायले आजका विद्यार्थी भोलिका राष्ट्रका कर्णदार भएकाले उनीहरुको क्षमतालाई बुझेर अगाडि बढाउने अवसर विद्यालयले प्रदान गर्नुपर्ने बताए । अन्तरनिहित प्रतिभा प्रस्फुटन कार्यक्रममा सिनियरतर्फ प्रिया गुरुङ्ग प्रथम, रोजिना घताने द्धितीय, असिम सुनार तृतीय र सुलक्ष्यण गुरुङ्ग सान्त्वना त्यस्तै जुनियरतर्फ निलिसा गुरुङ्ग प्रथम, सुवासना भिसुन्के द्धितीय, सोहेन तामाङ्ग तृतीय र आधित्य रानाभाट सान्त्वना र पूर्व प्रावि. तर्फ सान्वी गुरुङ्ग प्रथम, आहाना गुरुङ्ग द्धितीय, आश्था सापकोटा तृतीय र एलिना श्रेष्ठले सान्त्वता स्थान प्राप्त गरेका थिए । कार्यक्रममा शिक्षक नायकद्वय शिवलाल उपाध्याय र मिलन तिमिल्सिनालाई सम्मान गरिएको थियो ।
प्रतिभा पहिचान कार्यक्रमको प्रमुख निर्णायकमा संस्थापक प्राचार्य रामबहादुर मोची, विद्यालय इन्चार्ज शिवलाल उपाध्याय, युवराज गुरुङ्ग, नरेश गुरुङ, मिलन तिमिल्सेना र निर्मला पहारी रहेका थिए । विद्यालयका संस्थापक प्राचार्य रामबहादुर मोचीको अध्यक्षतामा सम्पन्न उक्त कार्यक्रममा स्वागत मन्तव्य शिक्षक सुरेश राज पाण्डेले राखेका थिए । कार्याक्रमको सञ्चालन शिक्षक सुशील नेपाली, विद्यार्थी आकृति तिवारी र सुप्रिया श्रेष्ठले सञ्चालन गरेको कुरा कार्यक्रम संयोजक समितिका संयोजक शिवलाल उपाध्यायले बताए ।
Related News
सम्बन्धित समाचार
मनिपालमा अत्याधुनिक एमआरआई मेसिन
कास्कीमा एसइई उत्तरपुस्तिका परीक्षण रोकियो
स्याङ्जा जिल्लाकै पहिलो विद्यालयको ७१ औं वार्षिकोत्सव
माछापुच्छ्रे माविलाई बस सहयोग
राष्ट्रिय माविमा पूर्व विद्यार्थीको सम्मान
hero news full width
मुख्य समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१