पोखरा । लेखनाथ विभूति सेकेण्डरी बोर्डिङ स्कुलमा अतिरिक्त क्रियाकलाप अन्र्तगत शुक्रबार अंग्रेजी भाषामा समाचार वाचन सम्पन्न भएको छ । बालबालिकाको पढाइ सीप बिकास समाचार वाचन निकै उपयोगी हुने संस्थापक प्रिन्सिपल रेखा थापाको भनाई थियो । विद्यालयका एकदेखी कक्षा ८ सम्मका ६० जना विद्यार्थीले दुई चरणमा समाचार पढे ।

कक्षा ६ , ७ र ८ का तीस जना विद्यार्थीले समाचार पढ्दा कक्षा ७ की ड्यासल गुरुङ पहिलो भइन् । संगम ढकाल (७), कृपा परियार(६) र स्नेहा गुरुङ (६) क्रमशः दोस्रो,तेस्रो र सान्त्वना भएको विद्यालयका शैक्षिक संयोजक कवीर खड्कीले जानकारी दिए। यता १ देखी ५ कक्षा सम्मका ३० जनाबिच भएको प्रतिस्पर्दामा कक्षा ३ की श्रृया केसी पहिलो भइन् । कक्षा ५ का अप्सन भट्राई दोस्रो र निखिल खड्का र रक्षा पुरी तेस्रो भएको शिक्षक रामकुमारी दुराले जानकारी दिइन् ।

यसैबीच लेखनाथ विभूति सेकेण्डरी बोर्डिङ स्कुलबाट पाँचौ व्याचको रुपमा माध्यामिक शिक्षा परीक्षा (एसइई २०७६ मा सामेल हुने कक्षा १० लाई कक्षा नौ का विद्यार्थीले विदाइ गरेका छन् । विदाइ कार्यक्रममा विद्यालयका संस्थापक प्रिन्सिपल रेखा थापा कार्कीले उज्जवल भविष्यको कामना गदै टिका र खादा लगाएर शुभकामना व्यक्त गरिन् । कार्यक्रममा विद्यालयका संस्थापक सुशीला कार्की अधिकारीले भावुक हुँदै साना बचेराहरु उड्न सफल भएको खुसी लागेको बताइन् । जँहा गए पनि गुरुहरुले देखाएको बाटो कहिल्यै नभूल्नु अधिकारीले भनिन् । तिमीहरुको भविष्य अझै उज्जवल बनोस् । त्यसैगरी कार्यक्रममा विद्यालयका प्रशाशक गोपाल अर्याल र शैक्षिक संयोजक कवीर खड्कीले शुभकामना मन्त्वय व्यक्त गरेका थिए । कक्षा नौ का विद्यार्थीहरुले आयोजना गरेको कार्यक्रमको संचालन अतिरिक्त क्रियाकलाप संयाजक शिक्षक नवीन पौडेलले गरेका थिए ।