पोखरा । राजधानीमा जारी कतार एयरवेज सहिद स्मारक ‘ए’ डिभिजन लिगमा शीर्ष स्थानमा रहेको विभागीय आर्मीसँग एनआरटीले अंक खोसेको छ ।
शनिबारको पहिलो खेलमा त्रिभुवन आर्मी क्लब र न्यु रोड टिम (एनआरटी) गोलरहित बराबरी खेल्दै समान १/१ बटुलेका छन् । यस बराबरीसँगै आर्मी लिगको शीर्षस्थानमा उक्लिएपनि १ अंकले मात्र अग्रता छ ।
खेलको शुरुवाती चौथो मिनेटमा नवयुग श्रेष्ठको सशक्त प्रहार पोस्टबाट थोरै बाहिरियो । त्यसपछि, १५ औं मिनेटमा भरत खवासको हेडर गोलरक्षक अजित प्रजापतिले बचाउ गरे । लगत्तै, जर्ज प्रिन्स कार्कीको प्रहारलाई गोलरक्षक अजितले मुस्किलले बचाउ गरे ।
खेलको १६ औं मिनेटमा एनआरटीका दर्शन गुरुङले पाएको उत्कृष्ट मौकालाई सदुपयोग गर्न सकेनन् । खेलको ३६ औं मिनेटमा पेनाल्टी बक्स बाहिर आर्मीले फ्री–किक पाएपछि जर्ज प्रिन्सको प्रहार माथिल्लो बार हुँदै बाहिरियो ।
त्यसपछि, ६३ औं मिनेटमा आर्मीका कप्तान भरत खवासको हेडिङ प्रयास खेर गयो । खेलको ८० औं मिनेटमा युद्व शाहीको क्रसपासमा नवयुग श्रेष्ठको पावरफुल हेडर पोस्टबाट बाहिरिदा आर्मी अग्रता लिनबाट चुक्यो ।
लगत्तै, ८५ औं मिनेटमा आर्मीको दुई प्रहारमा गोलरक्षक अजित बाधक बने । इन्जुरी समयको थप दोस्रो मिनेटमा एनआरटी १० खेलाडीमा समेटियो । आर्मीका खेलाडीलाई खराव ट्याकल गरेपछि रेफ्रीले जुनियरलाई रातो कार्ड देखाउँदै मैदान बाहिर पठाए । त्यसमै, प्राप्त फ्री–किकमा सन्तोष तामाङको प्रहारलाई गोलरक्षक अजितले उत्कृष्ट डाइभ सहित बचाउ गरे ।
यस बराबरीसँगै विभागीय आर्मी ८ खेलबाट १७ अंक सहित झिनो शीर्ष स्थानमा छ । आर्मीले ८ खेलबाट ५ जित, २ बराबरी र १ हार बेहोरेको छ । एनआरटीले ८ खेलबाट १२ अंक बटुलेको छ ।
संकटा क्लबले राजधानीमा जारी कतार एअरवेज सहिद स्मारक ‘ए‘ डिभिजन लिग फुटबलमा जित निकाल्दै अंक जोड्न सफ लबनेको छ । संकटाले लिग अन्तर्गत शनिबारको दोस्रो खेलमा फ्रेन्ड्स क्लबलाई पराजित गरेको हो ।
दशरथ रंगशालामा भएको दोस्रो खेलमा संकटाले फ्रेण्ड्समाथि १–० को कठिन जित निकाल्यो । संकटाको निर्णायक जितमा अजेयी मार्टिन्स नायक बने । मार्टिन्सले संकटाका लागि ६४ औं मिनेटमा निर्णायक गोल गरे । सुवास गुरुङले बायाँ विङको कर्नर नजिकबाट प्रहार गरेको फ्री–किकमा अजेयीले हेडर मार्फत गोल गरेका थिए ।
फ्रेन्ड्सले सुरुवाती समयमा संकटामाथि दवाव दिएपनि पोस्टमा बलियो आक्रमण गर्न सकेन । खेलको २४ औं मिनेटमा संकटाले अग्रता लिने सुवर्ण अवसर गुमायो । पेनाल्टी क्षेत्रभित्र अनमार्क रहेको अवस्थामा संकटाको प्रहार आकासियो । खेलको ३० औं मिनेटमा फ्रेन्ड्सका विश्व अधिकारीको फ्री–किकमा वाग्नर डे कार्मोको प्रहार पोस्टबाट बाहिरियो ।
दोस्रो हाफमा संकटाले सुधारिएको प्रदर्शन ग¥यो । ४७ औं मिनेटमा अमित तामाङको क्रसमा कर्ण लिम्बुको ब्याकहिल प्रहार पोस्टको दिशा लिन सकेन । लगत्तै ५५ औं मिनेटमा लक्ष्मण रुचालले २५ यार्ड टाढाबाट प्रहार गरेको सट माथिल्लो बार हुँदै बाहिरियो ।
यस जितसँगै संकटाले ८ खेलबाट १२ अंक जोडेको छ । संकटाले ८ खेलमा ३ जित, ३ बराबरी र २ हार बेहोरेको छ । पाँचौ स्थानमा एनआरटी, जावलाखेल र संकटाको समान १२/१२ अंक छ । जारी लिगमा फ्रेन्ड्सको ८ खेलबाट ८ अंकसहित ११ औं स्थानमा छ ।
Related News
सम्बन्धित समाचार
पोखरा ७ स्तरीय वृहत दौड प्रतियोगिता
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
hero news full width
मुख्य समाचार
पोखरा देशभरकै प्रदूषित सहर
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१