पोखरा । नवलपुर, लमजुङ र तनहुँले पोखरामा जारी गण्डकी प्रदेशस्तरीय मुख्यमन्त्री लिग फुटबलमा जित निकालेका छन् ।
पोखराको लेखनाथस्थित भण्डारढिक खेल मैदानमा जारी प्रतियोगिता अन्तर्गत समूह ‘बी’ मा रहेको नवलपुरको गैडाकोट खेलकुद विकास समितिले होराइजन युथ क्लब स्याङ्जालाई ३–१ ले हराउँदै ३ अंक बटुल्न सफ लबनेको छ ।
नवलपुरका जितमा सुरेन्द्र गुरुङले २ र कैशालप्रताप गुरुङले १ गोलको योगदान गरे । सुरेन्द्रले खेलको १३ र १५ औं मिनेटमा निर्णायक गोल गरेका थिए । त्यस्तै, नवलपुरका लागि कौशलप्रतापले १० औं मिनेटमा गोल गर्दै टोलीलाई अग्रता दिलाएका थिए ।
यता, होराइजन क्लब स्याङ्जाका लागि भने सफल थापाले पेनाल्टीमार्फत शान्त्वना १ गोल गरे । सफलले खेलको इन्जूरी समयमा पेनाल्टीमार्फत गोल गरेका हुन् । उक्त खेलमा नवलपुरका सौगातप्रताप गुरुङ र अमृत गुरुङले पहेंलो कार्ड पाए । यता, होराइजन क्लब स्याङ्जाका कृष्ण कुँवरलाई रेफ्रीले पहेंलो कार्ड देखाए ।
त्यस्तै, प्रतियोगिता अन्तर्गतको दोस्रो खेलमा समूह ‘ए’ को त्रिवेणी युवा क्लब लमजुङले डाँफे युवा क्लब मनाङमाथि २–१ को जित निकाल्यो । जितसँगै पहिलो खेल खेलेको लमजुङले पनि स्पष्ट ३ अंक आफ्नो टोलीको नाममा लेखायो । लमजुङका लागि आशिक गुरुङ र उज्वल शाहीले समान १÷१ गोल गरे । मनाङका लागि एक मात्र गोल कर्ण गुरुङले गरेका थिए ।
प्रतिस्पर्धात्मक उक्त खेलको पाँचौ मिनेटमा आशिकको गोलबाट लमजुङले अग्रता लिएको थियो । त्यसपछि, खेलको ३३ औंं मिनेटमा उज्वलको गोलबाट लमजुङले अग्रतालाई दोब्बर बनायो । ४१ औं मिनेटमा कर्णको गोलबाट मनाङले लमजुङको अग्रतालाई छोट्याएको थियो । अन्ततः उक्त खेल २–१ ले लमजुङको पक्षमा गएको थियो ।
तेस्रो खेलमा समूह ‘ए’ युथ क्लब अफ भिमाद तनहुँले बागलुङ जिल्ला फुटबल संघमाथि १–० को कठिन जित निकाल्दै ३ अंकको खाता खोल्यो । तनहुँका लागि एक मात्र गोल दिपक थापाले पेनाल्टीमार्फत गरेका थिए । उनले खेलको ५० औं मिनेटमा पेनाल्टी गोल गरेका हुन् ।
यसअघि, प्रतियोगिता अन्तर्गत समूह ‘ए’ को आदर्श युवा क्लब कास्कीले उद्घाटन खेल जित्दै स्पष्ट ३ अंक बटुलेको छ । कास्कीले बौद्ध हिमाल क्लब गोरखालाई ३–१ गोलले जित्दै ३ अंक बटुल्न सफल भएको थियो ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१