पोखरा । पाहुना टोली मलेसिया सिलेक्सन–११ ले इनरुवामा जारी मनमोहन कप एक दिवसीय क्रिकेट प्रतियोगितामा सान्त्वना जित हात पारेको छ ।
प्रतियोगिताबाट बाहिरिसकेको पाहुना टोली मलेसियाले समूह चरणको अन्तिम खेलमा सोमबार गण्डकी प्रदेशमाथि १ सय ९२ रनको भारी अन्तरको जित निकालेको हो ।
ओसिलो पिचका कारण ४७ ओभरमा छोट्याइएको खेलमा टस जितेर ब्याटिङ रोजेको मलेसियाले ८ विकेटको क्षतिमा २ सय ९७ रन जोडेको थियो । २ सय ९८ रनको लक्ष्य पछ्याएको गण्डकीलाई २७ दशमलव २ ओभरमा अल आउट गर्दै मलेसिया–११ ले प्रतियोगितामा सुखद अन्त्य गरेको हो ।
गण्डकी प्रदेशका खेलाडीहरु मलेसियाका बलरसामु खुलेर खेल्न सकेनन् । गण्डकीले १ सय ६ रन बनाउँदै अल आउट हुन पुग्यो । गण्डकीलाई सस्तैमा समेट्न मलेसियाका सुहारिल फेत्रीले ४ विकेट लिए । अनवर रहमान र बिजय उन्नीले समान ३/३ विकेट लिए । गण्डकीका लागि विपिन खत्रीले सर्वाधिक ४२ रन बनाए । प्रविण ढकालले १९ र विधान श्रेष्ठले १० रन जोडे । गण्डकीका अन्य ब्याट्सम्यानले दोहोरो अंक जोड्नै सकेनन् ।
त्यसअघि, पहिलो ब्याटिङ गरेको मलेसियाका ३ ब्याट्सम्यानले अर्धशतकीय पारी खेले । मलेसियाका ऐनुल हकिमले ८९ रनको योगदान दिए । त्यसैगरी, भुषन साब र भिरन्दीपसिंहले टोलीका लागि समान ५०/५० रन जोडे । अहमद फैजले ३१ रन बनाए । मोहमद आरिफले २० रनको पारी खेले । गण्डकीका विपिन खत्रीले ३ विकेट लिए । चन्द्रकान्त पौडेलले २ तथा गोविन्द प्रधानले मलेसियाको १ विकेट लिए । मलेसियाका हकिम प्रतियोगिताको ‘म्यान अफ दी म्याच’ बने ।
समूह ‘डी’को शीर्ष स्थानमा रहँदै सुदूरपश्चिम अन्तिम चारमा पुगिसकेकाले सोमबारको खेल दुवै टिमले प्रतिष्ठाको लागि मात्र खेलेको थियो । अब सेमिफाइनलका खेलहरु बुधबारबाट शुरु हुनेछन् । पहिलो खेलमा बागमती प्रदेशले विभागीय त्रिभुवन आर्मीसँग खेल्नेछ । दोस्रो सेमिफाइनलमा सुदूरपश्चिमले नेपाल पुलिसको सामना गर्नेछ ।
Related News
सम्बन्धित समाचार
पोखरा ७ स्तरीय वृहत दौड प्रतियोगिता
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१