पोखरामा सागको औपचारिक उद्घाटन

‘मौसम खुलेको छ, हिमाल खुलेको छ, खेलाडीले पनि हिमाल र मौसम जस्तै खुलेर खेल्नुहोला’

Avatar आदर्श समाज सम्वाददाता
मंसिर १६, २०७६

पोखरा । घरेलु भूमीमा आयोजना गरिएको १३ ओं संस्करणको दक्षिण एसियाली खेलकुद प्रतियोगिता आइतबारदेखि शुरु भएको छ ।

यसअघि, भलिबलका खेलहरु संचालन गरिएपनि सागको औपचारिक उद्घाटन भने आइतबार गरिएको हो । विशेष समाराहबीच

काठमाण्डौंमा भब्य उद्घाटन भएको छ भने पोखरामा ब्याडमिन्टन खेलको उद्घाटनसँगै औपचारिक उद्घाटन भएको हो ।

गण्डकी प्रदेशका सामाजिक विकास मन्त्री नरदेवि पुनले व्याडमिण्टनका मुख्य रेफ्री माल्दिभ्सका ललित अब्दुललाई व्याडमिण्टनका कक हस्तान्तरण गर्दै पोखरामा औपचारिक रुपमा दक्षिण एशियाली खेलकुद (साग)को उद्घाटन गरिन् । सो अवसरमा उनले खेलकुदले खेलाडी तथा राष्ट्रहरुको आपसी सम्बन्धमा गाढापनको सम्बन्ध ल्याउने बताइन् ।

मन्त्री पुनले भनिन्, ‘पोखरासमेत सागको खेलकुदमय बनेको छ । सुन्दर शहर पोखराको मौसम र काखमा हिमाल खुलेको छ । खुलेको मौसमजस्तै खेलाडीहरुले पनि खुलेर खेल्नुहोला ।’

एशियन व्याडमिण्टनका अध्यक्ष उस्वाह नासीरले एशियन राष्ट्रहरुमा व्याडमिण्टन खेलको विकास गर्न सहकार्य गर्नुपर्नेमा जोड दिए । नेपाल व्याडमिण्टन संघका अध्यक्ष रामजीबहादुर श्रेष्ठको अध्यक्षतामा भएको कार्यक्रममा नेपाल ओलम्पिक कमिटीका उपाध्यक्ष तेजबहादुर गुरुङ राष्ट्रिय खेलकुद परिषदका सदस्य राजेशकुमार गुरुङ् लगायतले आफ्नो भनाई राखेका थिए ।

पोखरामा हुने ट्रायथलनको खेल आज (सोमबार)देखि शुरु हुने भएको छ । गण्डकी प्रदेश कानून मन्त्री हरिबहादुर चुमानले ट्रायथलनको एक कार्यक्रमबीच उद्घाटन गर्ने कार्यक्रम छ । ३ दिनसम्म चल्ने ट्रायथलन प्रतियोगितामा ५ स्वर्ण, ५ रजत र ५ कास्य गरि १५ पदकका लागि प्रतिस्पर्धा हुनेछ ।

नेपाल, भारत र श्रीलका गरि ३ देशका २६ खेलाडीको सहभागिता रहने खेलमा पुरुष र महिला दुवै विधामा संचालन हुनेछन् । खेल तालिकाअनुसार १६ गते पहिलो दिन पुरुष र महिलातर्फको स्प्रिन्ट बिधाको ट्रायथलन, दोश्रो दिन (मंगलबार) पुरुष र महिलातर्फको स्प्रिन्ट विधाको दुवाथलन र १८ गते अन्तिम दिन (बुधबार) मिक्स ट्रायथलन हुनेछ ।

ट्रायथलनका लागि पुरुष र महिला दुवै विधामा ७ सय ५० मिटर दुरीको पौडी, २० किलोमिटरको साइकिलिङ र ५ किलिमिटरको दौडको दुरी तय गरिएको छ । दुवाथलनका लागि ५ किलोमिटर दौड, २० किलोमिटर साइकिलिङ र २.५ किलोमिटर दौडको दुरी तय गरिएको छ । त्यसैगरि, मिक्स ट्रायथलनका लागि ३ सय मिटर पौडी, ६ किलोमिटर साईकिलिङ र २.५ किलोमिटर दौडको दुरी तय गरिएको छ ।

पोखराको फेवातालको छेउ कोमागानेपार्कबाट शुरु हुने प्रतियोगितामा भाग लिने सबै देशका खेलाडीहरु तयारी अवस्थामा रहेका नेपालका लागि ट्रायथलन प्रशिक्षक सानुभाई पौडेलले जानकारी दिएका छन् । पौडी, साइकिलिङ र दौडको मिश्रणलाई ट्रायथोलन भनिने यस खेल भव्यरुपमा सम्पन्न गर्न सम्वन्धित निकाय तिब्ररुपमा लागिरहेका छन् ।

यस्तै, १३ औं दक्षिण एशियाली खेलकुद प्रतियोगिता अन्तर्गत पोखरा रंगशालामा सोमबारदेखि महिला क्रिकेट प्रतियोगिता शुरु हुँदैछ । प्रतियोगिताको पहिलो खेलमा आयोजक नेपालले माल्दिभ्सको सामना गर्नेछ । नेपालका लागि माल्दिभ्सविरुद्धको खेल समुहमा सबैभन्दा सहज खेल हुन सक्ने अनुमान लगाइएको छ ।

नेपाली टोलीका प्रशिक्षक जगतबहादुर टमटाले माल्दिभ्ससंग अहिलेसम्म एक खेल पनि नखेलेको बताए । ‘तर उनीहरुको बडिल्याङ्वेज हेर्दा हामीलाई सजिलो होला जस्तो लागेको छ,’ उनले भने । माल्दिभ्सको टोलीले आइतबार पोखरा रंगशालामा अभ्यास समेत गरेको थियो ।

सागमा भाग लिन आयोजक नेपाल सहित माल्दिभ्स, श्रीलंका र बंगलादेशका टोली पोखरा आइपुगेका छन् । बंगलादेश र श्रीलंकाका खेलाडीहरुले आइतबार दिउँसो नदीपुरस्थित प्रदेश सभा भवन पछाडीको क्रिकेट मैदानमा अभ्यास गरेको थियो ।

पोखरामा पहिलो पटक हुन लागेको साग महिला क्रिकेट प्रतियोगिता सफल पार्न स्थानीय समितिले पनि भरपुर कोशिष गरेको छ । ‘महिला क्रिकेट पोखरामा आयोजना गर्न पाउनु हामी पोखेलीहरुका लागि पनि सौभाग्यकै कुरा हो’ नेपाल क्रिकेट संघका सदस्य ऋषि गौतमले भने । यसलाई सभ्य र भब्य रुपमा सफल पार्न पोखरेलीको तर्फबाट पनि सक्दो प्रयास गरिनुपर्नेमा उनले जोड दिए ।

प्रतियोगिताको आवश्यक तयारी पूरा भएको कास्की जिल्ला क्रिकेट संघका अध्यक्ष सञ्जयकान्त सिग्देलले बताए । १ हजार दर्शक क्षमताको अस्थायी प्यारापिट तयार पारिएको उनले जानकारी दिए । त्यसैगरि, खेलाडीहरुका लागि चेन्जिङ रुम, मिडिया, हेल्थ डेस्क, खेलाडी तथा अफिसियलका लागि रिफ्रेसमेण्ट बक्स लगायत तयार भइसकेका छन् । मैदानभित्र चारवटा पिच बनाइएका छन् ।

संघीय मामिला तथा योजना मन्त्री किरण गुरुङले आज (सोमबार) बिहान ११ बजे प्रतियोगिताको उद्घाटन गर्ने कार्यक्रम छ । प्रतियोगिता अन्तर्गत मंगलबार श्रीलंका र बंगलादेश भिडनेछन् । बुधबार हुने दुई खेलमा बंगलादेश र नेपाल तथा श्रीलंका र माल्दिभ्स आमने–सामने हुनेछन् ।

त्यस्तै, शुक्रबार नेपालले श्रीलंकासँग प्रतिस्पर्धा गर्नेछ । राउण्ड रोविन लिगका आधारमा संचालन हुने महिला क्रिकेटको शीर्षस्थान दुई टिमले स्वर्ण पदकका लागि प्रतिस्पर्धा गर्नेछन् । लिगको पुछारका रहेका दुई टिमले कास्य पदकका लागि भिड्नेछन् ।

काठमाण्डौंमा सागको भव्य उद्घाटन

यता, काठमाण्डौंमा पनि १३ औं दक्षिण एसियाली खेलकुद(साग)को आइतबार एक समारोहबीच उद्घाटन भएको छ । त्रिपुरेश्वरस्थित दशरथ रंगशालामा राष्ट्रपति विद्यादेवी भण्डारीले औपचारिक रुपमा उद्घाटन गरिन् ।

समारोहमा उपराष्ट्रपति नन्दबहादुर पुन तथा प्रधानन्यायाधीश चोलेन्द्रशम्शेर जवरा पूर्व प्रधानमन्त्रीहरू लगायतका उच्च अधिकारीको उपस्थिति थियो । यस संस्करणको सागमा अन्य संस्करणभन्दा पृथक, भब्य बन्यो । साग खेलको पूर्वसन्ध्यामा चारवर्ष लगाएर पुनर्निमाण गरिएको दशरथ रंगशाला आकर्षक एवं मनमोहक बनाइएको छ ।

औपचारिक उद्घाटन अगाडि सातै देशका सहभागी खेलाडीहरूले मार्च पास गरे ।

दशरथ रंगशालाको बाहिरि तथा भित्री दृश्यले अन्तर्राष्ट्रिय रंगशालाको स्वरुप झल्को दिएको छ । उद्घाटन समारोहमा रंगशाला सजीव देखिएको छ । विद्युतीय सजावटले बाहिरी आकर्षण थप्दा भित्र हुने कार्यक्रमले सागलाई अन्य संस्करणभन्दा पृथक बनायो ।

उद्घाटन समारोह ३ घण्टा १४ मिनेट चल्यो । समारोहमा हिमाल, पहाड, तराई–मधेशको झाँकी, भेषभूषा समेटिएको नेपालको विविधतापूर्ण संस्कृतिको झल्को दिएको थियो । उद्घाटन समारोहमा १५ हजार दर्शक रंगशालाभित्र थिए ।

तपाइको विचार व्यक्त गर्नुहोस्

हाम्रो सुझाव

साग महिला ह्याण्डबमा नेपाल सेमिफाइनलमा

भारोत्तोलनमा स्वर्ण पदक

गौरिकाले ल्याइन पौडीमा स्वर्ण

साग महिला ह्याण्डबल सेमीफाइनलमा

प्रमुख समाचार

सुन्दरीजल खानेपानी प्रशोधन केन्द्र आगामी महिना सम्पन्न हुने

थप प्रमुख समाचार