गण्डकीका शिक्षकलाई प्रशिक्षण

Avatar आदर्श समाज सम्वाददाता
कार्तिक १८, २०७६

नेपाल राष्ट्रिय शिक्षक संगठन गण्डकी प्रदेश समितिको प्रशिक्षण पोखरामा शुक्रबारदेखि सुरु भएको छ।

समृद्ध राष्ट्र सुखी नेपाली आधार, गुणस्तरीय विद्यालय शिक्षा नै पहिलो आधार भन्ने मूल नारासहित सुरु भएको कार्यक्रममा समसामयिक शिक्षकका समस्या, कर्तव्य र अधिकारका बारेमा अन्तरक्रिया गरिएको थियो।

प्रमुख अतिथि नेपाल शिक्षक महासंघका अध्यक्ष बाबुराम थापाले कार्यक्रम सफलताको शुभकामना दिँदै शिक्षकका समसामयिक मुद्दा र अन्तराष्ट्रिय अभ्यासका बारेमा प्रशिक्षण गराएका थिए।

त्यस्तै विशेष अतिथि नेपाल राष्ट्रिय शिक्षक संगठन केन्दी्रय अध्यक्ष लक्ष्मण शर्माले नेपाल राष्ट्रिय शिक्षक संगठनको इतिहास, भावी कार्यभार र अबको नेतृत्व विषयमा प्रशिक्षण दिएका थिए।

त्यस्तै महिला अधिकारकर्मी कमला थापाले लैङ्गिक सवाल, महिला शिक्षकको अवस्था र नेपाल राष्ट्रिय शिक्षक संगठनको अवधारणा प्रस्तुत गरे।

नेपाल राष्ट्रिय शिक्षक संगठन गण्ठकी प्रदेशका अध्यक्ष रामप्रसाद पोख्रेलले गण्डकी प्रदेशको शैक्षिक अवस्थाको परिचय गराएका थिए। विशेष अतिथि प्रतिनिधि सभा सदस्य पदम गिरी, पोखरा महानगर कास्की, नेकपाका अध्यक्ष दीपक पौडेल, राष्ट्रिय समिति उपाध्यक्ष जङ्गबहादुर गर्बुजा पुन, नेपाल राष्ट्रिय शिक्षक संगठन गण्ठकी प्रदेशका अध्यक्ष रामप्रसाद पोख्रेलको अध्यक्षतामा भएको कार्यक्रममा शिक्षक संगठनका वरिष्ठ उपाध्यक्ष केशवराज घिमिरेले स्वागत गरेको थिए।

प्रशिक्षण कार्यक्रममा गण्डकी प्रदेशका १५० शिक्षक सहभागी थिए।

तपाइको विचार व्यक्त गर्नुहोस्

हाम्रो सुझाव

जनप्रिय क्याम्पसको २८ औं वार्षिकोत्सव

चिसाखोला वेद विद्याश्रममा अक्षयकोष दान सहयोग

तेस्रो बृहत् शैक्षिक प्रदर्शनी शुरु

नवलपुरका विद्यार्थीलाई १२ करोडको खाजा

प्रमुख समाचार

टिपर दुर्घटनामा दुईको मृत्यु