उत्कृष्ट ३ विद्यार्थीलाई १ लाख सहयोग

आदर्श समाज सम्वाददाता
असाेज ७, २०७६
gyan prakash mavi myagdi (1)

म्याग्दी,७ असोज । सामुदायिक विद्यालय तर्फ देशको नमूना विद्यालयको रुपमा छनौट भएको म्याग्दीको उत्तरी अन्नपुर्ण गाउँपालिका –३ दाना स्थित ज्ञानप्रकाश माविको वार्षिकोत्सव तथा अभिभावक दिवस मनाइएको छ । विद्यालयले सोमबार गण्डकी प्रदेश सरकारका सामाजिक विकास मन्त्री नरदेवी पुन मगरको उपस्थितिमा एक समारोहका बीच ४४ औं वार्षिकोत्सव तथा अभिभावक दिवस मनाएको हो ।

कार्यक्रममा मन्त्री पुन मगरले विद्यालयलाई बार्षिक उत्सवको शुभकामना व्यक्त गरिन् । उनले शिक्षा मन्त्रालयको नमूना विद्यालयको रुपमा ज्ञान प्रकाश मावि छनौट हुन सफल भएकोमा बधाई दिइन् । ग्रामीण भेग ,दरबन्दी अभाव र सिमित श्रोत साधनका बावजुत पनि नमूना विद्यालयको रुपमा छनौट हुनु सामुदायिक विद्यालयका लागि ठूलो उपलब्धि भएको बताइन् ।

मन्त्री पुन मगरले सामुदायिक विद्यालयलाई गुणस्तरीय र प्रभावकारी बनाउन प्रदेश सरकार प्रतिबद्ध रहेको समेत उद्घोष गरिन् । विद्यालयकोे शैक्षिक गुणस्तर बृद्धि र प्रभावकारी बनाउन सरकारको एकल प्रयासले मात्र सम्भब नहुने भन्दै अभिभावक, शिक्षक र विद्यार्थी बीचमा सहकार्य हुन आवश्यक रहेको उनको भनाइ छ । शिक्षा र स्वास्थ्य सेवालाई सर्बसुलभ र प्रभावकारी बनाउन प्रदेश सरकारले विभिन्न कार्यक्रमहरु संचालन गरिरहेको मन्त्री पुनले जानकारी दिइन् ।

कार्यक्रममा जिल्ला समन्वय समितिका प्रमुख दवेन्द्रबहादुर केसी,गाउँपालिका अध्यक्ष क्याप्टेन डमबहादुर गर्बुजा पुनले विद्यालयलाई बार्षिकोत्सवको शुभकामना दिए । यसैगरी जिल्ला शिक्षा विकास तथा समन्वय इकाइ प्रमुख दलबहादुर थापा मगरले सामुदायिक विद्यालयमा न्यून दरबन्दी हुँदा स्थानीय समुदायलाई विद्यालय संचालनमा ठूलो आर्थिक भार पर्ने गरेको बताए ।

सोही अवसरमा गाउँपालिका भित्रमा गत वर्ष एसइईमा उत्कृष्ट अंक ल्याउने तीन जना विद्यार्थीलाई आर्थिक सहयोग गरिएको छ । गाउँपालिकाका अध्यक्ष क्याप्टेन गर्बुजा पुनले घोषणा अनुसार आफुले पाउने सेवा सुविधाबाट ज्ञान प्रकाश माविका छात्र एलिस पाइजालाई ५० हजार र सोही विद्यालयकी एलिना बैरागीलाई २५ हजार रुपैयाँ हस्तान्तरण गरेका हुन् । अनुपस्थित मुक्तिमार्ग मावि घारकी पवित्रा खड्कालाई २५ हजार रुपैयाँ सहयोग गर्ने भएको छ ।

आर्थिक अभावका कारण गरीब परिवारका उत्कृष्ट ,जेहेन्दार विद्यार्थीलाई अध्ययनमा समस्या नहोस् भनि हौसला स्वरुप आर्थिक सहयोग गरेको अध्यक्ष क्याप्टेन गर्बुजा पुनले भने । गाउँपालिकाबाट पाउने सेवासुविधा समेत नलिएका अध्यक्ष क्याप्टेन गर्बुजा पुनले आगामी दिनमा पनि शैक्षिक क्षेत्रमा सहयोग गर्ने बताए । गाउँपालिकाले सामुदायिक विद्यालयको गुणस्तर बढाउन विभिन्न कार्यक्रम संचालनसंगै शिक्षक मिलानलाई विशेष प्राथमिकता दिएको उनकोे भनाइ छ ।

विद्यालय व्यवस्थापन समितिका अध्यक्ष ले बेलबहादुर पुर्जाको अध्यक्षता र शिक्षक बुद्धि मिजारको संचालनमा कार्यक्रम सम्पन्न भएको थियो । कार्यक्रममा वडा नं ३ का अध्यक्ष नरसिं पुर्जा ,गाउँपालिका शिक्षा संयोजक भरत गर्बुजा ,जिल्ला समन्वय समितिका सदस्य मेखबहादुर गर्बुजा ,गाउँपालिका सदस्य एव्म न्यायिक समितिका बुद्धि पुन लगायत विभिन्न संघ संस्थाको उपस्थिति रहेको थियो । विद्यालयलय वार्षिक उत्सवको अवसरमा गत वर्षको परीक्षामा प्रथम ,द्धितीय र तृतीय हुने विद्यार्थीलाई पुरस्कार प्रदान गरेको थियो ।

Related News

सम्बन्धित समाचार

    • पोखरा विश्वविद्यालय २५ औं वर्षमा प्रवेश

      आदर्श समाज सम्वाददाता श्रावण ३, २०७८
      पोखरा  । पोखरा विश्वविद्यालय २५ औं वर्षमा प्रवेश गरेको छ । वार्षिकोत्सव समारोहलाई सम्बोधन गर्दै विश्वविद्यालयका उपकुलपति प्राडा प्रेमनारायण अर्यालले यस…
    • अनलाइन चलाउन ३८ लाख

      आदर्श समाज सम्वाददाता श्रावण २, २०७८
      परासी । कोरोना महामारीका कारण वैकल्पिक विविध अनलाइबाट कक्षा सञ्चालनमा सहयोग पु¥याउन रामग्राम नगरपालिकाले सामुदायिक विद्यालयलाई ३८ लाख रुपैयाँ उपलब्ध गराएको…
    • जनप्रियका विद्यार्थी नेपालमै उत्कृष्ट

      आदर्श समाज सम्वाददाता असार ३०, २०७८
      पोखरा  ।  जनप्रिय बहुमुखी क्याम्पस, पोखराका विद्यार्थीले नेपालमै उत्कृष्ट नतिजा ल्याउन सफल भएका छन् । बिबिए संकायका २ विद्यार्थी नेपालभर…
    • नयाँ किताब पाए, जवाफ पाएनन्

      सविन लामिछाने असार २२, २०७८
      दमौली । व्यास ६ वादीका रमेश कुँवर कक्षा ५ उत्तीर्ण गरी ६ मा भर्ना हुन गए । कुँवंरले झोलाभरि नयाँ…
    • गण्डकी विश्वविद्यालयको १० वर्षे कार्ययोजना तयार

      आदर्श समाज सम्वाददाता असार १६, २०७८
      पोखरा । गण्डकी विश्वविद्यालयले सन् २०३० सम्मको लागि रणनीतिक कार्ययोजना तयार पारेको छ । विश्वविद्यालयको १० वर्षे कार्ययोजना डा. सूर्यबहादुर जिसीको…

    hero news full width

    Gandaki University

    sanil ads

    wordlink ads