हाजिर जवाफमा मनकामना वोर्डिङ विजयी

Avatar आदर्श समाज सम्वाददाता
भाद्र २६, २०७६

लमजुङ, २६ भदौ । लमजुङको सदरमुकाम बेसीशहरमा आयोजित दाश्रो मेयरकप डिजिटल हाजिर जवाफ प्रतियोगिता गरिएको छ । बेसीशहर नगरपालिकाका मेयर गुमानसिँह अर्यालले प्रतियोगिताको उदघाटन गरेका हुन् ।

उनले विद्यार्थीको सिकाई उपलव्धिका लागि पढाईसँगै अतिरिक्त क्रियालकलापलाई पनि प्रथामिकता दिनुपर्ने वताए । उनले विजयी छात्रछात्रालाई पुरस्कार वितरण गरेका थिए । रोट्रयाक्ट क्लव अफ लमजुङले प्रतियोगिता आयोजना गरेको हो । प्रतियोगितामा मनकामना बोर्डिङ स्कुल भकुण्ड पहिलो भएको छ ।
प्रतियोगितामा लोकराज आर्दश मावि चिति दोश्रो, जनकल्याण मावि उदीपुर तेस्रो र अर्थली प्याराडाइज वोर्डिङ स्कुलले सान्त्वना स्थान हासिल गरेको क्लवका सचिव सन्दीप गुरुङले बताए । उनका अनुसार प्रतियोगितामा बेसीशहर नगरपालिका भित्रका १६ माध्यामिक विद्यालयहरूले भाग लिएका थिए ।
प्र

तियोगितामा प्रथम हुने विद्यालयललाई मेयर कप सहित १० हजार रुपैया, दोश्रो हुनेलाई ८ हजार, तेश्रोे हुनेलाई ५ हजार र सान्त्वना स्थान हासिल गर्ने समूहलाई दुई हजार पाँचसय वरावरको पुरस्कार, मेडल र प्रमाण पत्र प्रदान गरीएको रोट्रयाक्ट क्लब अफ लमजुङकी अध्यक्ष लक्ष्मी श्रेष्ठले बताइन् ।

क्लबका अध्यक्ष लक्ष्मी श्रेष्ठको अध्यक्षतामा भएको थियो । उनले क्लबले अघिल्ला वर्षझै श्रव्यदृष्य सहित आधुनिक प्रविधिको प्रयोग गरी डिजिटल हाजिर जवाफ प्रतियोगिता आयोजना गरेको हो । विगतका वर्षहरूमा अन्तराष्ट्रिय बाल दिवसको अवसरमा डिजिटल हाजिर जवाफ प्रतियोगिता गर्दै आएको क्लवले अघिल्लो वर्षबाटमात्रै बेसीशहर नगरपालिकासँग समन्वय गरी मेयरकप प्रतयोगिता शुरु गरेको बताइन् ।

कार्यक्रममा बेसीशहर ८ का वडाअध्यक्ष पवित्रा थापाराना, सहायक प्रमुख जिल्ला अधिकारी काजिमान सुनार लगायतले शुभकामना व्यक्त गरेका थिए । सो कार्यक्रमको सञ्चालन क्लबका सचिव सन्दीप गुरुङले र प्रतियोगिताको सहजिकरण रोट्रयाक्ट क्लव अफ लमजुङका पूर्वअध्यक्ष रेशम घिमिरे र केदार बोहोराले गरेका थिए ।

शिक्षा, स्वास्थ्य र अन्य वातावरण सरसफाई क्षेत्रमा स्वयंसेवी काम गर्दै आएको क्लबले विद्यार्थीहरूलाई प्रविधि मैत्री बनाउन नयाँ शैलीमा डिजिटल हाजिरजवाफ प्रतियोगिताको अवधारणा ल्याएको क्लबले जनाएको छ । क्लबले अघिल्ला वर्षहरूमा आयोजना गरेको डिजिटल हाजिरजवाफ प्रतियोगितामा पनि बेसीशहर अन्तर्गतका विद्यालयहरूको उल्लेख्य सहभागिता रहदै आएको छ ।

तपाइको विचार व्यक्त गर्नुहोस्

हाम्रो सुझाव

भानुभक्त क्याम्पसको ३३ औं वार्षिकोत्सव

शिक्षकलाई तलब खुवाउन महायज्ञ

शैक्षिक विकास पहिलो प्राथमिकता -अध्यक्ष क्याप्टेन पुन

दुर्गा आधारभुत विद्यालयमा शैक्षिक सामाग्री वितरण

गण्डकीका शिक्षकलाई प्रशिक्षण

प्रमुख समाचार

कम्युनिष्टले मुलुकलाई उल्टो बाटोमा लग्यो -नेता रिजाल