एपीएफ ‘ए’ उपाधि नजिक

आदर्श समाज सम्वाददाता
भाद्र २१, २०७६
Nadipur VolleyBall

पोखरा । पोखराको नदिपुरमा जारी दोस्रो संस्करणको क्लब स्तरीय भलिबल प्रतियोगिताको फाइनलमा विभागिय सशस्त्र प्रहरी बलको टोली एपीएफको ‘ए’ ले स्थान बनाएको छ ।

नदीपुरस्थित कर्पाकेली समाजको प्राङ्गणमा शुक्रबार भएको पहिलो सेमीफाइनल खेलबाट एपीएफको ‘ए’ टिमले पोखरा भलिबल प्रशिक्षण केन्द्रलाई २५–१८, २२–२५, २५–१७ र २५–१५ को सेटले पराजित गर्दै फाइनलमा स्थान बनायो । उक्त खेलबाट पोखरा भलिबल ट्रेनिङ सेन्टरका रामचन्द्र बिक म्यान अफ द म्याच घोषित भए ।

गलकोट क्लब बाग्लुङ र एपीएफ ‘बी’ बीच भएको अर्काे सेमिफाइनल खेल समय अभावका कारण रद्द हुन पुगेको छ । उक्त खेल शनिबार बिहान ठिक ७ बजे हुने खेल संयोजक अनिल गुरुङले बताए । उनका अुनसार सो खेलमा २ सेट एपीएफले र १ सेट बाग्लुङले हात पारेको थियो ।

त्यस्तै महिलातर्फ टिजी गर्ल र दोबा समाज उपाधिका लागि प्रतिस्पर्धा गर्नेछन् । शुक्रबार सम्पन्न पहिलो सेमिफाइनल खेलबाट लालीगँुरास पुन समाज लामाचौर ‘ए’ लाई टिजी गर्लले २५–११, २५–२२ र २५–५ को सोझो सेटमा पराजित ग¥यो ।

यसैगरी, दोस्रो सेमिफाइनल खेलमा लालीगँुरास पुन समाज लामाचौर ‘बी’ लाई दोबा समाजले २५–१३, २५–२२ र २५–२२ को सोझो सेटमा हराउँदै फाइलनमा टिजी गर्लसँगको भेट पक्का गरेको छ । उनीहरुले शनिबार उपाधिका लागि प्रतिस्पर्धा गर्नेछन् ।

यसअघि भेट्रान्सतर्फ घान्दु्रकलाई हराउँदै अर्चलबोट युनाइटेड र घारीपाटन भेट्रान्सलाई पराजित गर्दै लालीगुँरास पुन समाज लामाचौर फाइनलमा प्रबेश गरिसकेको संयोजक गुरुङले बताए ।

प्रतियोगिताकोे पुरुष तर्फको बिजेता टिमलाई ६० हजार उपविजेतालाई ४० हजार शिल्ड, मेडल तथा प्रमाणपत्र सहित प्रदान गरिने गुरुङले बताए ।

त्यसैगरी महिलातर्फको बिजेताले २० हजार र उपबिजेताले १४ हजार नगद सहित शिल्ड, मेडल तथा प्रमाणपत्र पाउनेछन् ।

भेट्रान्सतर्फको बिजेता १५ हजार र उपविजेताले १० हजार नगद सहित शिल्ड, मेडल तथा प्रमाणपत्र प्राप्त गर्नेछन् । राष्ट्रिय खेलकुद परिषदका सदस्य राजेशकुमार गुरुङको प्रमुख आतिथ्यतामा शनिबार फाइनल खेल हुने आयोजकले जनाएको छ ।

Related News

सम्बन्धित समाचार

    • सकिनै आँट्यो पोखरा रंगशाला

      धनबहादुर गुरुङ श्रावण १०, २०७८
      पोखरा । पोखरा रंगशाला निर्माण ९० प्रतिशत पूरा भएको छ । कोरोना महामारीबीच निर्माणले निरन्तरता पाउँदा निर्माण आखिरीमा पुगेको हो…
    • पोखरा रंगशाला प्रशिक्षणका लागि खुला

      आदर्श समाज सम्वाददाता श्रावण १, २०७८
      पोखरा  । पोखरा रंगशालामा शुक्रबारदेखि आंशिक रुपमा खेलकुदका गतिविधि हुने भएका छन् । कोरोना महामारीका कारण ३ महिनादेखि स्थगित खेल गतिविधि…
    • ब्राजिल कोपा अमेरिकाको फाइनमा

      आदर्श समाज सम्वाददाता असार २२, २०७८
      पोखरा । साविक विजेता ब्राजिल कोपा अमेरिकाको फाइनलमा प्रवेश गरेको छ । आयोजक राष्ट्र ब्राजिलले पेरुलाई १–० ले पराजित गर्दै…
    • खेलपर्यटनलाई संस्थागत जरुरी : मुख्यमन्त्री

      आदर्श समाज सम्वाददाता असार १९, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले पोखराको पर्यटनसँग खेलकुद जोडिएको उल्लेख गर्दै यसलाई संस्थागत गर्दै लैजानु जरुरी रहेको…
    • पोखरा स्पोर्टस् अवार्ड : नवीन र पार्वती वर्ष खेलाडी

      आदर्श समाज सम्वाददाता असार १९, २०७८
      पोखरा । पाँचौ पोखरा स्पोर्टस् अवार्ड २०७६/७७ मा नवीन रसाइली (कराते) र पार्वती गुरुङ (तेक्वान्दो) वर्ष खेलाडी घोषित भएका छन्…

    hero news full width

    Gandaki University

    sanil ads

    wordlink ads