पोखरा, १७ भदौ । गजलकार प्रकट पगेनी ‘शिव’को १९ औं एकल गजल वाचन कास्कीको माछापुच्छ्रे गाउँपालिका– ९ घलेलमा हालै सम्पन्न भएको छ । पोखरा क्यानोनिङले आयोजना गरेको कार्यक्रममा उनले दर्शकहरूलाई भरपुर मनोरञ्जन दिएका थिए ।
‘साँझपख फेवातालमा’ शीर्षक गजलबाट बाचन थालेका पगेनीले जीवनका रंगीन अनुभवसहित गजल सुनाउँदा दर्शक दीर्घाबाट परर तालि मात्र बजेन श्रोताले दोहोर्याएर कतिपय गजल भन्न समेत माग गरे । पोखराबाट पुगेका श्रोता, हितैषी र गाउँले माझ उनले गजल सुनाएका हुन् । गजल सुन्नेहरूले ५ हजार रुपैयाँको टिकट काटेका थिए । टिकटमा गजल श्रबण, पोखराबाट आउने–जाने यातायात, ककटेल डिनर र बास बस्ने सुविधा समेटिएका थिए । गजल बाचनको माहौल तातिरहेका बेला झमझम पानी पर्यो । त्यसैले उनले ७ वटा मात्र गजल वाचन गर्न भ्याए । जति बाचन गरे त्यतिमा दर्शकहरु रमाएका थिए ।
संचारकर्मी एवं महिला नेतृ सरस्वती गुरुङको सक्रियतामा पोखरा क्यानोनिङले पगेनीको एकल वाचनको मेसो मिलाएको हो । कार्यक्रमबाट बचत भएको रकमले गजलकार पगेनीको पहिलो उपन्यासकृति ‘अनुश्रिया’ प्रकाशन गरिने कार्यक्रमका संयोजक राम गुरुङले जानकारी दिए । घलेललाई क्यानोनिङ गन्तव्यका रुपमा समेत पछिल्ला बर्षहरुमा चिन्न थालिएको छ ।
पगेनीले अहिले आफू धमाधम अनुश्रीया उपन्यास सम्पादनमा व्यस्त रहेको सुनाए । यस अघि उनका दुईटा गीत संग्रह–‘जुनको चिठी जुनालाई’ र ‘यो मन कतै अल्झेको छ’ प्रकाशित भएका थिए । त्यस्तै गजलकृति ‘प्रणयवेदका ऋचाहरू’ र कविताकृति ‘अक्षरभरि अक्षता’ छापिएका छन् ।
सरल शब्दमा गहिरो भाव बोकेका कविता, गीत, गजल र मुक्तक लेख्ने प्रभावशाली स्रष्टा हुन् पगेनी । अग्रजको सम्मान गर्दै अनुजहरूलाई साहित्य सृजनामा लाग्न प्रेरित गरिरहन्छन् उनी ।
Related News
सम्बन्धित समाचार
हेमजा साहित्य प्रतिष्ठानमा चूडामणि खनालको स्मरण
अक्षरयात्राको २१० औं शृंखला खास्टेतालमा
छन्द बचाऊँ वाचनकला पुरस्कारबाट त्रिपाठी सम्मानित
सबीको अपरिभाषित आभा लोकार्पित
छन्द बचाऊँ वाचनकला पुरस्कारबाट त्रिपाठी सम्मानित
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१