पोखरा, ५ भदौ । तीजको अवसरमा पुष्पाञ्जली इभेन्ट म्यानेजमेन्ट प्रालिको आयोजना एवं इन्द्रेणी एकीकृत विकास केन्द्रको सह—आयोजनामा छेलो प्रतियोगिता हुने भएको छ ।

टुडिखेलमा भदौ १४ गते हुने छेलो प्रतियोगितामा प्रथम हुनेलाई ११ हजार रुपैयाँ, प्रदान गरिने आयोजक संस्थाले जानकारी दिएको छ । यस्तै, द्धितीय र तृतीय हुनेलाई क्रमशः नगद ६ हजार र ३ हजार रुपैयाँ प्रदान गरिने मुल आयोजक समितिकी संयोजक शोभा गौतमले बताइन् ।

“पछिल्लो समय छेलो प्रतियोगिता कम हुँदै गएको छ ।”— भूतपूर्व खेलाडी मञ्च नेपालका अध्यक्ष तेजबहादुर गुरुङले भने– छेलो खेलको संरक्षणका लागि भएपनि प्रतियोगिताको आवश्यकता छ ।

प्रतियोगिताका संयोजक खेमबहादुर गुरुङले नेपालीहरुको मौलिक चाड तीजको अवसरमा उक्त प्रतियोगिताले मेला अवलोकन गर्न आउनेलाई उत्साह मिल्ने बताए । खेलकुद विभाग प्रमुख गेहेन्द्रमान श्रेष्ठले छेलोका लागि तालिम र सिकाई आवश्यक हुने बताए ।