गौंथली डाँडा हरियाली बन्ने

Avatar आदर्श समाज सम्वाददाता
श्रावण ३, २०७६

लमजुङ, ३ साउन । लमजुङको बेसीसहर नगरपालिका– ८ स्थित गौंथली डाँडालाई हरियाली बनाउन स्थानीय युवाले प्रतिवद्धता व्यक्त गरेका छन् । लायन्स क्लबमा आवद्ध युवा उक्त डाँडालाई हरियाली बनाउन जुटेका हुन् ।

बेसीसहर नगरपालिका प्रमुख गुमानसिंह अर्याल, वडा नं. ८ का अध्यक्ष पवित्रा थापा रानालगायत जनप्रतिनिधिसंगै युवाले बृक्षरोपण गरेर त्यस्तो प्रतिवद्धता व्यक्त गरेका हुन् । नगरप्रमुख गुमानसिंह अर्यालले नगरपालिकाभित्रका पार्कहरूलाई हरियाली र मनमोहक बनाउने अभियान थालेको र यसकार्यमा युवा अघि बढेकोमा खुसी व्यक्त गरे । विकास र संरक्षणमा युवाजुटे सरकारले लिएको समृद्ध नेपाल र सुखी नेपालीको नारा छिटो सार्थक हुने उनले बताए ।

वडा नं. ८ की अध्यक्ष पवित्रा थापा रानाले वडाभित्रका नांगो डाँडा तथा पाखोबारीमा बृक्षरोपण गर्दै आएको बताइन् । उनले वडालाई सफा र हरियाली बनाउने नीति लिएको जानकारी दिइन् । कार्यक्रमका संयोजक एवं लायन्स क्लब अफ लमजुङका निवर्तमान अध्यक्ष सुरेशकुमार प्रधानको अध्यक्षतामा भएको कार्यक्रमको संचालन क्लवका तृतीय उपाध्यक्ष विवश बुढाथोकीले गरेका थिए । उनका अनुसार बृक्षारोपणका अवसरमा निम र अशोकाका विरुवा रोपिएको हो ।

सरकारले हरियालीको नीति ल्याएको बेला नांगो डाँडाकाँडालाई हरियारली बनाउन प्रतिवद्धता व्यक्त गर्दै युवाले बृक्षरोपण अभियानको थालनी गरेका हुन् । गौंथली डाँडालाई बार बारेर यसअघि संरक्षण गरिएको ठाउँभित्र अहिले बृक्षरोपण गरिएको लायन्स क्लब अफ लमजुङका अध्यक्ष ताराराज घलेले बताए । उनका अनुसार वडा कार्यालयले बृक्षरोपण गरेको बार बाहिरी क्षेत्रमा पनि युवाले बृक्षरोपण गरेको छ । लायन बर्ष २०१९/२० को पहिलो कार्यक्रम नै बृक्षरोपणबाट सुरुवात गरिएको उनले बताए । गौंथली डाँडाको संरक्षण र संवद्र्धन अव लायन्स क्लबले गर्ने भन्दै उनले यसको संरक्षणमा जुटिदिन सवैलाई आग्रह गरेको थियो । यसअघि निजी लगानीमा चौतारो निर्माणगरी बर र पिपल रोपिएको गाँथली डाँडामा बृक्षरोपण गरिएको हो ।

तपाइको विचार व्यक्त गर्नुहोस्

हाम्रो सुझाव

खानेपानी टंकी निर्माण सम्बन्धी लायन्स क्लबसंग सहमती

बागलुङमा बिश्व मधुमेह दिवस मनाइयो

१०४ जनाद्वारा आँखादानको प्रतिबद्धता

आर्दश चौतारी पिस पोस्टर एवम् सहयोग प्रदान

बागलुङको अर्नाकोट देउरालीमा स्वास्थ्य शिविर

प्रमुख समाचार

पीपीएलमा पोखराको सुखद सुरुवात

थप प्रमुख समाचार