पोखरा, २८ असार । लायन्स क्लब अफ पोखरा ग्रीन टाउनले वृक्षारोपण कार्यक्रम शनिबार सम्पन्न भएको छ । लायन्स बर्ष २०१९/२० को पहिलो कार्यक्रम अन्तर्गत पोखरा ११ फूलबारी स्थित शिवशक्ति माविको हाता भित्र २५ थान विभिन्न जातीका विरूवा रोपिएको हो ।

प्रमुख अतिथि पढायौ अभियानका प्रमुख लायन चण्डी प्रसाद अर्यालले विरूवा रोपी उदघाटन गरेको कार्यक्रममा विधालय व्यवस्थापन समितिका अध्यक्ष दामोदर बास्तोला, विद्यालयका प्रधानाध्यापक एवं क्लब सल्लाहकार शम्भुराज बास्तोला लगायतले शुभकामना मन्तव्य व्यक्त गरेका थिए । सोही अवसरमा अपागं छात्रालाई एक थान अपागं मैत्री टेबल र कुर्ची समेत हस्तान्तरण गरिएको थियो ।

क्लब अध्यक्ष शान्ता बास्तोलाको अध्यक्षतामा भएको कार्यक्रमको स्वागत कोषाध्यक्ष एवं कार्यक्रम सयोजक रजनी कोइराला र संन्चालन सचिव विन्दा रायमाझीले गरेकी थिइन् ।