असार २६ पोखरा । पोखरा–१७ महतगौडाको शान्तिटोलमा विहीवार वृक्षारोपण गरिएको छ ।

लायन्स क्लव अफ पोखरा बिरौटा साझा चौतारीले वृक्षारोपण गरेको हो । कार्यक्रममा क्लस्टर २३ का क्लस्टर प्रमुख पृथ्वीराज तिमिल्सिना र वडा १७ का वडासदस्य बैकुण्ठ भण्डारीले कार्यक्रम संयोजक गायत्री पौडेललाई संयुक्त रुपमा विरुवा हस्तारण गरी शुभारम्भ गरेका थिए ।

वातावरण संरक्षणमा वृक्षारोपणको महत्व हुने भएकाले वृक्षारोपण पछिपनि वृक्षको संरक्षण गर्न स्थानीयलाई तिमिल्सिना बताए । वडा सदस्य बैकुण्ठ भण्डारीले स्वच्छ वातावरयाका लागि विरुवा आवश्यक हुनेमा जोड दिए ।

डिस्ट्रिक चेयरपर्सन जीतबहादुर थापा, पवित्रराज तिवारी, दुर्गा कुमारी आचार्य, प्रदीप बराल, रामजी ध्वजु, लायन्स क्लब अफ पोखरा फेवा बेगनासका अध्यक्ष टंक ढकाल, स्थानीय कृष्णप्रसाद पौडेल लगायतका आफ्ना भनाई राखेका थिए ।

कार्यक्रम संयोजक गायत्री पौडेलले सो क्षेत्रमा असोका, कपुर, तेजपत्ता लगायतका विभिन्न प्रजातिका करिव ८० वटा विरुवा ट्रिगार्ड सहित रोपिएको जानकारी दिइन ।
क्लवका अध्यक्ष साबित्रा पौडेलको अध्यक्षतामा भएको कार्यक्रममा स्वागत प्रथम उपाध्यक्ष रेखादेवी पोखरेल, धन्यवाद द्वितीय उपाध्यक्ष गीता पराजुली, गरेकी थिइन् ।