पोखरा, २३ असार । पोखरा रोयल सहाकारी संस्थाले सामाजिक उत्तरदायित्व बहन गर्दै आफ्नो १८औं वार्षिकोत्सवको अवसरमा दुई विद्यालयलाई खाजा खर्च प्रदान गरेको छ ।

पोखरा महानगरपालिका वडा नं.१०स्थित कुँडहर आधारभूत प्रा.वि., र कालिका मा.वि.मा अध्ययनरत बालबालिकाको लागि सञ्चालित खाजा अभियान कार्यक्रमको लागि प्रति विद्यालय २५ हजार रुपैयाँका दरमा दुई विद्यालयलाई ५० हजार सहयोग गरेको छ । संस्थाका अध्यक्ष तुलसीप्रसाद गुरुङ्गको अध्यक्षतामा भएको कार्यक्रममा कुँडहर आरधारभूत प्रा.वि.मा अध्यक्ष रुद्रकुमारी गुरुङ्ग र कालिका मा.वि.मा प्रधानाध्यापक बलराम गिरीलाई संस्थाको तर्फबाट सहयोग रकम हस्तान्तरण गरेको संस्थाका सचिव एवं नेपाल बचत तथा ऋण केन्दी्य सहकारी संघ लि.का सञ्चालक भीम गुरुङ्गले बताए ।

संस्थाले स्थापनाकालदेखि नै वित्तीय गतिविधिसंगै सामाजिक कृयाकलापमा महिला लक्षित प्रौढ साक्षरता, युवा लक्षित वित्तीय साक्षरता, विशेष ध्यान दिदै आईरहेको गुरुङ्गले बताए । प्रधान कार्याल बुद्धचोक लगायत २ वटा सेवा केन्द्रको ५ हजार ५०० सदस्यहरु बीच वित्तीय कार्य गरिरहेको सहकारीले ग्रामीण क्षेत्रमा सहकारी लघुवित्त समेत सञ्चालन गरिरहेको छ । उक्त सहकारीले १ अर्ब ६५ करोडको कारोबार गरिरहेको छ ।

कार्यक्रममा कुँडहर विद्यालयको तर्फबाट समितिका अध्यक्ष रुद्रकुमारी गुरुङ्ग र कालिका मा.वि.का तर्फबाट प्रधानाध्यापक बलराम गिरीले सहकारीको सहयोग प्रति धन्यवाद ज्ञापन गर्दै यस्तो कार्यबाट सामुदायिक विद्यालयले सञ्चालन गरेको खाजा अभियान मार्फत विधार्थीको आकर्षण बढ्दै गएको र विधालयले समेत यसलाई व्यवस्थित गर्दै लगेको बताए ।