पोखरा,१७ जेष्ठ । सञ्चारिका समुह नेपालले दुई दिने अन्तरसंवाद कार्यक्रम सुरु गरेको छ । पोखरा महानगरपालिकाको साझेदारीमा सुशासनका लागि सञ्चार,सञ्चारका लागि समन्वय विषयक सञ्चार कार्यक्रम सुरु गरेको हो ।

स्थानीय तह सञ्चार योजना विषयक कार्यक्रमको उद्धघाटन सत्रमा बोल्दै, पोखरा महानगरपालिकाका प्रमुख मानबहादुर जिसीले सञ्चारिका समूह र कार्यपालिका सदस्यले खेल्ने भूमिका के हो भन्ने विषयमा प्रष्ट गरिदिन आग्रह गरे । संचारकर्मीले खोजमूलक समाचारलाई प्रथामिकता दिन उनले प्रमुख जिसीले आग्रह गरे ।

त्यस्तै पोखरा महानगरपालिका वडा नं १ की अध्यक्ष शारदाकुमारी पराजुलीले आम सञ्चार र पत्रकारिता सम्बन्धी आफ्नो अनुभव प्रस्तुत गर्दै सार्वजनिक सरोकार एवं सुशासनका विषयमा सूचना पाटीको भन्दा आम सञ्चारको भूमिका महत्वपुर्ण रहने बताइन । निष्पक्ष, जवाफदेहिता र स्वतन्त्र ढंगले कमल चलाउन पत्रकारलाई उनले आग्रह गरिन।सञ्चारिका समुह गण्डकी प्रदेशका अध्यक्ष स्मिता अधिकारीको अध्यक्षतामा सम्पन्न भएको थियो ।