पोखरा । पोखरा २९ भण्डारढिकमा रहेको दीपशिखा सामुदायिक पुस्तकालय तथा दीपशिखा बहुउद्देश्यीय सामुदायिक सिकाइ केन्द्रको आयोजनामा किशोरीहरूका लागि २ दिने सीपमूलक शिक्षा कार्यक्रम सम्पन्न भएको छ । पोखरा ३२ कार्यालयको विशेष सहयोगमा भएको कार्यक्रममा विभिन्न वडाका ४० बढी किशोरीहरू लाभान्वित भए ।

बाल हितकारी परियोजनाका मीना थापा र संगीता भण्डारी तथा पुस्तकालयका धनु पहारी र कविता गैह्रेले सहजीकरण गरेको उक्त कार्यक्रम समापनका अवसरमा पोखरा २९ का अध्यक्ष श्रीप्रसाद गुरुङले वडा नं ३२ का अध्यक्ष अक्कलबहादुर कार्कीलाई विशेष सहयोगका लागि धन्यवाद ज्ञापन गर्दै किशोरी लक्षित कार्यक्रमका लागि आफ्नो सधैं सहयोग रहने बताए ।

कार्यक्रममा दीपशिखा सामुदायिक पुस्तकालयका कोषाध्यक्ष माधव भण्डारी, सचिव पदमप्रसाद अधिकारी,सदस्यहरू कमला भण्डारी, विष्णुहरि पौडेल, चन्द्रबहादुर गुरुङ, विश्वराज पौडेलका साथै सहभागीहरू जेनिशा नेपाली, जेनी थापामगर लगायतले बोलेका थिए ।

किशोरावस्थामा आउने परिवर्तन, समस्या र समाधानमा कार्यक्रम केन्द्रित भएको सहभागीले बताए ।