अपाङ्गता भएका विद्यार्थीलाई शैक्षिक सामग्री वितरण

Avatar आदर्श समाज सम्वाददाता
वैशाख २८, २०७६

पोखरा, २८ वैशाख । नेपाल अपाङ््ग समाज सेवा संघद्वारा अपाङ््गता भएका २० जना विद्यार्थीलाई शैैक्षिक सामग्री वितरण गरेको छ । पोखरा–९, शान्ति वन बाटिकास्थित संघको कार्यलय परिसरमा आयोजित कार्यक्रममा झोला, विद्यालय पोशाक, कपी, कलमलगायतको शैक्षिक सामग्री वितरण गरेको हो ।

प्रमुख अतिथि पोखरा–९ का वडा अध्यक्ष रामराज लामिछानेले अपाङ््गता भएका विद्यार्थीलाई शैक्षिक सामग्री वितरण गरे । अपाङ्गता भएका विद्यार्थीको पुनस्र्र्थापना र सशक्तिकरणका लागि वडाले संघलाई एक लाख रुपैयाँ सहयोग गरेको थियो ।

कार्यक्रममा बोल्दै वडा अध्यक्ष रामराज लामिछानेले पोखराको ९ नं वडालाई बालमैत्री र अपाङ्गतामैत्री वडाका रुपमा विकास गर्ने प्रतिबद्धता जनाए । अपाङ्गता भएका बालबालिकालाई वडाले सहयोग पु¥याउँदै आएको वडा अध्यक्ष लामिछानेको भनाई थियो । उनले वडाभित्र रहेको अपाङ्गता भएका बालबालिकालाई वडाले छात्रवृत्ति प्रदान गर्दै आएको उल्लेख गरे ।

कार्यक्रममा नेपाल कम्युनिष्ट पार्टी (नेकपा) का प्रकाश शर्मा, शान्ति दर्शन टोलविकास संस्थाकी अध्यक्ष दिलमाया गुरुङ, शान्ति वन टोल विकास संस्थाका अध्यक्ष बलराम पहारीलगायतले शुभकामना मन्तव्य राखेका थिए ।

संघका अध्यक्ष बुद्धिबहादुर पन्त बाग्दासको अध्यक्षतामा भएको कार्यक्रममा सचिव राजकुमार खरेलले स्वागत र सदस्य विज्ञानराज पन्तले कार्यक्रम संचालन गरेका थिए ।

तपाइको विचार व्यक्त गर्नुहोस्

हाम्रो सुझाव

राधाकृष्ण वृद्धाश्रमको भवन उद्घाटन

अग्रज पत्रकार अमात्य सम्मानित

मानवअधिकार तथा शान्ति समाजमा सुवर्णकार

मुक्तक मञ्च पोखरामा आचार्य

प्रमुख समाचार

रुपन्देहीमा गोली चल्यो, १ को मृत्यु