यो वेबसाइट आदर्श समाज राष्ट्रिय दैनिकको आधिकारिक न्युज पोर्टल हो । नेपाली तथा अङग्रेजी भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

आदर्श समाज राष्ट्रिय दैनिकको यस क्षेत्रमा आफ्नो छुट्टै पहिचान छ। यस क्षेत्रमा यो एक सर्वाधिक पढिने पत्रिका भएको छ। ‘समुन्नतिका लागि स्वतन्त्र पत्रकारिता’ नाराका साथ अघि बढेको यस पत्रिकाले नारा अनुसार व्यवहारमा पनि स्वतन्त्र रहेर पत्रकारिताको धर्म निर्वाह गरिरहेको छ।

जापानबाट शैक्षिक सामग्री सहयोग

एजेन्सी
वैशाख १८, २०७६

पोखरा, १७ वैशाख। फेदिखोला गाउँपालिका–२ का विद्यार्थीलाई जापानबाट शैक्षिक सामग्री प्रदान गरिएको छ।

स्थानीय उपकार गोदारको पहलमा जापानस्थित पिक एड अन्तर्गत नोगुची केन फाउण्डेशनले कक्षा नर्सरी देखी कक्षा ८ सम्म अध्ययनरत ८४ जनालाईझोला, कलर पेन्टिङ र ज्योमेट्री बक्स लगायत सामग्री सहयोग गरेको हो। स्थानीय महेन्द्र जनसहयोगी आधारभूत विद्यालय, सिद्धार्थ मावि र काला भैरव माविका विद्यार्थीलाई फाउण्डेशन अध्यक्ष नोगुची केन र उनकी छोरी नोगुची सानले सो सामग्री वितरण गरेका हुन्।

हाल जापान कार्यरत फेदिखोलाका उपकार गोदारको सक्रियतामा उक्त फाउण्डेशनले शैक्षिक सामग्री लिएर विद्यालय पुगेको हो। कार्यक्रमका प्रमुख अतिथि फेदिखोला गाउँपालिका उपाध्यक्ष देवी थापाले सहयोगदातालाई धन्यवाद दिइन्। उनले सामुदायिक विद्यालयहरुको शैक्षिक गुणस्तर उकास्ने विषयमा गाउँपालिका गम्भीर बनेको उल्लेख गरिन्।

कार्यक्रममा नोगुची केन फाउण्डेशन अध्यक्ष नोगुची केनले उपकार गोदारका विषयमा बोले। उपकार गोदारलाई आफूले सामाजिक भावना भएको व्यक्तिका रुपमा पाएको नोगुचीले उल्लेख गरे।

महेन्द्र जनसहयोग आधारभुत विद्यालय व्यवस्थापन समिति अध्यक्ष हुमबहादुर केसीको अध्यक्षतामा भएको कार्यक्रममा प्रअ सीताकुमारी केसीले स्वागत, निवर्तमान प्रअ बलबहादुर गोदारले संचालन गरेका थिए। सहजीकरण मिङ्मा अधिकारीले गरेकी थिइन्।