दिगो विकासमा विश्वविद्यालयको भूमिका महत्वपूर्ण : मन्त्री गुरुङ

Avatar आदर्श समाज सम्वाददाता
वैशाख ४, २०७६

पोखरा, ३ वैशाख। गण्डकी प्रदेशका आर्थिक मामिला तथा योजना मन्त्री किरण गुरुङले विश्वबजारमा बढ्दै गएको जनशक्तिको मागबमोजिम विश्वविद्यालयले शिक्षा प्रदान गर्न सकेमात्र समृद्ध नेपालको आधार तय हुने बताएका छन्।

पृथ्वीनारायण क्याम्पस व्यवस्थापन संकायद्वारा मंगलबार आयोजित शुभकामना आदानप्रदान तथा क्यालेण्डर विमोचन कार्यक्रममा मन्त्री गुरुङले सो कुरा बताएका हुन्। उनले दिगो विकासका लागि युवा तथा विद्यार्थीले आर्जन गरेको ज्ञान, सीप तथा क्षमता स्वदेशमै परिचालन हुन आवश्यक रहेको औल्याए।

उनले देशको नीति तथा योजना निर्माण, कार्यान्वयन, समीक्षा र विश्लेषणमा प्राध्यापकहरुको रचनात्मक भूमिका आवश्यक रहेको बताए। उनले पृथ्वीनारायण क्याम्पसको थप भौतिक तथा शैक्षिक विकासका लागि प्रदेश सरकारको तर्फबाट जस्तोसुकै सहयोग रहने बताए।

क्याम्पस प्रमुख प्राडा चन्द्रबहादुर थापाले क्याम्पसले क्यूएए प्राप्त गर्नु ठूलो उपलब्धि भएको उल्लेख गर्दै क्याम्पसका लागि थप बजेट बिनियोजन गर्न आग्रह गरे।

सहायक क्याम्पस प्रमुख डा वीरबहादुर कार्कीले पृथ्वीनारायण क्याम्पसको कुल विद्यार्थीको झण्डै आधा हिस्सा व्यवस्थापनले ओगटेको बताउँदै श्रोत र साधनको बाँडफाँड गर्दा प्राथमिकता दिनुपर्ने बताए।

क्यालेण्डर प्रकाशन समिति संयोजक एवं क्षेत्रगत व्यवस्थापन विभागका विभागिय प्रमुख विष्णुप्रसाद भण्डारीको अध्यक्षतामा सम्पन्न उक्त कार्यक्रमको संचालन प्राध्यापक विश्वनाथ पौडेलले गरेका थिए।

तपाइको विचार व्यक्त गर्नुहोस्

हाम्रो सुझाव

बगादी खोलामा झोलुङगे पुल

गण्डकीमा ६० हजार बेरोजगार

सेवाग्राहीलाई सजिलो सहायता कक्ष

नयाँ नियमअनुसार सर्वेश्वर सहकारी

च्याउँ खाएका बालकको निधन

प्रमुख समाचार

भारतको गुजरात स्थित ट्युसन सेन्टरमा आगलागी हुँदा २० विद्यार्थीको मृत्यु