गुडलकमा विद्यार्थी दीक्षित

Avatar आदर्श समाज सम्वाददाता
चैत्र २८, २०७५

हेमजा, २७ चैत। पोखरा–२५, हेमजास्थित गुडलक मन्टेसरी होम प्रि स्कूलले बुधवार एक कार्यक्रमबीच विद्यार्थीलाई दीक्षित गरेको छ।

विद्यालयले कक्षा १ का ७ जना तथा युकेजीका १२ गरी कुल १९ जना विद्यार्थीलाई एक समारोहबीच दीक्षित गरेको हो। त्यस अवसरमा पुरस्कार वितरण समेत गरियो।

मन्टेसरीका संचालक एवम् प्रधानाध्यापक बसन्त न्यौपानेले आधुनिक गुणस्तरीय शिक्षा प्रदान गर्न विद्यालय तयार रहेको जनाए। उनले आगामी शैक्षिक सत्रदेखि विद्यालयलाई थप व्यवस्थित गरिने प्रतिबद्घता व्यक्त गरे।

उनले बालबालिकाको उज्ववल भविष्यका लागि विद्यालय र अभिभावक दुवै सचेत हुनुपर्ने आवश्यकता पनि औँल्याएका थिए। अभिभावक दयाराम अधिकारीले हेमजामा पहिलो पटक मन्टेसरी स्थापना गरी शिक्षा दिएकोमा विद्यालयप्रति आभार प्रकट गर्दै विद्यालय कक्षा ३ सम्म संचालन गर्नुपनेर्मा जोड दिए। उनले विद्यालयका सकारात्मक क्रियाकलापमा सबैले सहयोग गर्नुपर्ने बताउँदै बालबालिकालाई विद्यालयमा मात्रै निगरानी नगरी घरमा पनि राम्रो वातावरण दिनुपर्ने जनाएका थिए।

कार्यक्रम प्रधानाध्यापक बसन्त न्यौपानेको अध्यक्षतामा भएको थियो।

तपाइको विचार व्यक्त गर्नुहोस्

प्रमुख समाचार

सरकारका ९ सचिवको सरुवा