पोखरा, २२ चैत । देशका अधिकाशं भागका बर्षा भइरहेको छ । पोखरामा विहीवार राति देखि नै बर्षा भइरहेको भने काठमाण्डौमा पनि शुक्रवार विहानैदेखि बर्षा भइरहेको छ ।

मौषमविद्का अनुसार बर्षा अझै दुई दिनसम्म चलिरहने बताइएको छ । मौसम पूर्वानुमान महाशाखाका अनुसार सतहमा पूर्वी वायु र माथिल्लो वायुमण्डलमा पश्चिम वायुका कारण उपत्यकासहित देशका अधिकाशं भागमा बर्षाभइरहेको छ ।

मौसम पूर्वानुमान महाशाखाका मौसमविद् सुवास रिमालका अनुसार, मौसम पूर्वानुमान महाशाखाले अझै केही दिन हल्कादेखि मध्यम खालको वर्षा भइराख्ने प्रक्षेपण गरेको छ । ‘सतहमा पूर्वी वायु र माथिल्लो वायुमण्डलमा पश्चिम वायु चलेकाले अबको २ दिन देशका अधिकांश भागमा वर्षा हुनसक्ने देखिन्छ ।

सतहमा चल्ने प्रि–वायु बंगालको खाडीबाट आउने र त्यस्ता वायुले बोक्ने जलबाष्पले बादल बनाउन भूमिका खेल्ने उनको भनाइ छ । वर्षासँगै हावा र हुरीको सम्भावना पनि मौसम पूर्वानुमान महामशाखाले औंल्याएको छ । यसअघि गत आइतबार बारा र पर्सामा आकस्मिक हावाहुरी चल्दा २७ को मृत्यु भएको थियो भने कैयन घाइते भएका थिए ।

विपरीत स्वभावका वायु सक्रिय भएकाले २ दिन औसतभन्दा बढी नै हावाहुरी चल्ने मौसमविद् रिमालले बताए । वायुका कारण २ दिन देशका अधिकांश स्थानमा औसतभन्दा बढी नै हावाहुरी चल्ने सम्भावना छ’, मौसमविद् रिमालले भने, ‘तर, आत्तिनै पर्ने खालको हावाहुरी चल्ने खतरा भने छैन ।’

प्रतिक्रिया