विप्लवसँग वार्ता र छलफल गर्न सुझाव

Avatar आदर्श समाज सम्वाददाता
चैत्र २, २०७५

बुटवल, २ चैत । नेपाली काँग्रेसका नेता तथा काग्रेस संसदीय दलका प्रमुख सचेतक बालकृष्ण खाँणले सरकारद्वारा तत्कालै विप्लवमाथि राजनीतिक प्रतिबन्ध लगाउन आवश्यक नभएको बताएका छन् ।

प्रेस युनियन रुपन्देहीद्धारा शनिबार आयोजित पत्रकार भेटघाटमा उनले भने– विप्लवलाई शान्ति प्रक्रियामा ल्याउने प्रयासमा सरकार लाग्नु पथ्यो ।

वार्ता र संवादको ढोकावाट नआए मात्र प्रतिबन्ध लगाउनु पर्ने थियो तर एकै चोटी प्रतिवन्ध लगाउनु गलत हो, उनले भने —अझैपनि विप्लवसँग वार्ता र सहमतिबाटै समाधान खोज्नु पर्छ , मूलुकले फेरीपनि अर्को द्वन्द्व थेग्न सक्दैन ।

सीके राउतसँग भएका सहमतिका बुँदाहरुमा अस्पष्टता छ, राउतले भनेजस्तै मुलुकलाई खण्डित गर्ने विषयमा जनमत संग्रह हुनै सक्दैन, उनले भने– संविधानमा नभएका कुरामा पनि सरकारले प्रतिवद्धता गरेको जस्तो सम्झौतका बुँदामा रहेको छ ।

साथै उनले सरकार र सिके राउतबीचको सहमतिमा साझा धारणा सार्बजनिक गर्न माग गरे । सीके रावत समुह राजनीतिको मुल धारमा आउनु राम्रो कुरा भएपनि सहमतिको अर्को दिन सिके राउतका कार्यकर्ताले जनकपुरमा गरेको प्रदर्शन र नाराहरुले पनि आशंकाहरु उब्जाएको छ, उनले भने ।

गौतमबुद्धको जन्मस्थल, अन्तराष्ट्रिय विमानस्थल र अन्य पूर्वाधारका हिसाबले पूर्ववर्ती सरकारले गरेको निर्णयअनुसार रुपन्देहीलाई नै प्रदेश नं ५ को् स्थायी राजधानी बनाउनु पर्ने जोड उनले दिए ।

तपाइको विचार व्यक्त गर्नुहोस्

हाम्रो सुझाव

प्रदेशमा पनि संविधान दिवसको तामझाम

शान्तिपूर्ण विरोध सभामा प्रहरी हस्तक्षेप

संविधान दिवसमा प्रदेश प्रमुखको शुभकामना

प्रमुख समाचार

विधिको शासन नचल्दा राष्ट्र नै समाप्त हुन्छ- प्रदेश प्रमुख

थप प्रमुख समाचार