मन्त्री चुमानले सम्हाले अर्थ मन्त्रालयको कार्यभार, लगानी सम्मेलन प्राथमिकतामा

आदर्श समाज सम्वाददाता
वैशाख ९, २०८१
minister chuman

हरिबहादुर चुमानको फाइल तस्बिर

पोखरा । गण्डकी प्रदेशका आर्थिक मामिला मन्त्री हरिबहादुर चुमानले आइतबार पदवहाली गरेका छन् । मुख्यमन्त्रीको नियुक्ति प्रक्रिया नै असंवैधानिक भएको भन्दै परेको रिटमा सर्वोच्चले कारण देखाउ आदेश जारी गरेका बेला उनले पद सम्हालेका हुन् । खगराज अधिकारी मुख्यमन्त्रीमा नियुक्त भएकै दिन चैत २५ गते उनी बिना विभागीय मन्त्री बनेका थिए । उनीसहित राजीव गुरुङ उर्फ दीपक मनाङेले मन्त्रीको सपथ खाए पनि जिम्मेवारी पाएका थिएनन् ।

दोस्रोपटक प्रदेश सभामा निवार्चित चुमान योसहित तेस्रो पटक मन्त्री बनेका छन् । यसअघि खगराज अधिकारी मुख्यमन्त्री हुँदा पनि छोटो अवधिका लागि भौतिक मन्त्रालयको जिम्मा उनले पाएका थिए । त्यसअघि पृथ्वीसुब्बा गुरुङका पालमा साढे ३ वर्ष आन्तरिक मामिला मन्त्री बनेका थिए ।

बजेट बनाउने चटारो हुनुपर्ने समयमा आर्थिक मामिला मन्त्रालयको जिम्मा पाएका उनको पद कति दिन टिक्छ, त्यो त वैशाख १० गते सर्वोच्चको आदेशपछि प्रस्ट हुनेछ । पद वहालीका क्रममा उनले बजेट निर्माण प्रक्रियाका बारेमा प्रसंग नै उठाएनन् ।

बरु उनले पुँजीगत खर्च बढाउन सरकारको विषेश ध्यान जाने बताए । विगतदेखि नै प्रदेश सरकारले खर्चदर बृद्धि गर्ने कुरा गर्दे आएको र यो पटक कार्यान्वयन गर्न लागी प्रतिबद्धता उनले जनाए ।

पदबहालीसँगै आगामी वर्ष लगानी सम्मेलन गर्ने पहिलो निर्णय मन्त्री चुमानले गरुेका छन् । उसका लागि उनले लगानी सम्मेलन अध्ययन कार्यदल समेत गठन गर्ने निर्णय गरे । आर्थिक मामिला मन्त्रालयको सचिवको नेतृत्वमा ७ सदस्यीय कार्यदल गठन गरिएको छ ।

इन्भेस्ट गण्डकीमा पर्यटनलाई प्राथमिकतामा राखिएको छ । त्यसैगरी औद्योगिक पूर्वाधार, जलविद्युतलाई समेटेर एक अवधारण पत्र तयार गरी अगाडि बढिने उनले बताए । लगानी सम्मेलनसँगै आगामी पन्चवर्षीय योजनालाई त्यसकै आधारमा प्रभावकारी बनाउने सरकारको तयारी रहेको मन्त्री चुमानको भनाइ छ ।

नयाँ सरकारले प्रदेशको नीतिगत समस्या समाधान, औधोगिक पूर्वाधारको विकास, आर्थिक स्रोत बृद्धिका लागि आवश्यक कदम चाल्ने उनको भनाइ थियो ।

पदभार ग्रहण लगत्तै कर्मचारीहरुलाई निर्देशन दिँदै उनले सामान्य प्राविधिक कमजोरीलाई टेकेर रातो कितावका योजना कार्यान्वयनमा देखिएका समस्या समाधान गर्नुपर्नेमा जोड दिए । बजेट खर्च गर्ने परिपाटीमा पनि आगामी आर्थिक वर्षमा सुधार गरेर लैजाने उनको भनाइ थियो ।

Related News

सम्बन्धित समाचार

  • गण्डकीमा बजेटको सिद्धान्त र प्राथमिकता आज

    आदर्श समाज सम्वाददाता जेठ १७, २०८१
    पोखरा । गण्डकी प्रदेशमा नयाँ मुख्यमन्त्री नियुक्ति भएलगत्तै प्रदेश सभाको बैठक आज बस्ने भएको छ । प्रदेश सभा सचिवाललयले सूचना…
  • पोखरा मुग्लिन सडक विस्तार- पोखरा खण्डमा पिचको तयारी

    आदर्श समाज सम्वाददाता जेठ १७, २०८१
    पोखरा । निर्माणाधीन पोखरा मुग्लिन सडक विस्तार परियोजनाको पोखरा खण्डमा पिचको तयारी गरिएको छ । पछिल्लो समय तीव्रताका साथ काम…
  • ५२ दिनपछि पाण्डेको ‘कमब्याक’

    आदर्श समाज सम्वाददाता जेठ १७, २०८१
    पोखरा । नेपाली कांग्रेस गण्डकी प्रदेश संसदीय दलका नेता सुरेन्द्रराज पाण्डे ५२ दिनपछि गण्डकीको मुख्यमन्त्रीमा फर्किएका छन् । सर्वोच्च अदालतले…
  • प्रदेशका मन्त्रीले क्वाटरमै बुझे ५० लाख घुस !

    आदर्श समाज सम्वाददाता जेठ १६, २०८१
    गण्डकी प्रदेशका एक मन्त्रीले पदमा बहाल रहेकै बेला निवासमै बोलाएर बहुवर्षे योजनाका लागि ५० लाख रुपैयाँ बुझेको, बाँकी १० लाख…
  • रविचन्द्रलाई अन्नपूर्ण पर्यटन पुरस्कार

    आदर्श समाज सम्वाददाता जेठ १६, २०८१
    पोखरा । अन्नपूर्ण सेन्चुरी पर्यटन समितिद्वारा सञ्चालित यस वर्षको अन्नपूर्ण पर्यटन पत्रकारिता पुरस्कार–२०८१ रविचन्द्र पराजुलीलाई प्रदान गरिने भएको छ ।…

hero news full width

trending post

ट्रेन्डिङ्ग