अन्तरघात विरुद्ध नेविसंघको प्रदर्शन

Avatar एजेन्सी
फागुन १२, २०७५
Nepali-congress-3


काठमाडौं, १२ फागुन । नेपाली काँग्रेसका केन्द्रीय समिति बैठकसँगै आइतबार नेपाल विद्यार्थी संघले पार्टी केन्द्रीय कार्यालय सानेपामा विरोध प्रदर्शन गर्ने भएको छ ।

उच्च तहका नेताहरुको अराजगक व्यवहार, अनुशासनहीनता र अन्तरघात गर्ने प्रवृत्ति बढेका कारण खबरदारी स्वरुप नेविसंघले प्रदर्शन गर्न लागेको हो । प्रदर्शनको नेतृत्व नेविसंघ पूर्व उपाध्यक्ष ऋषिकेशजंग शाहले गर्ने बताइएको छ ।
कांग्रेसमा आत्मीयतासहितको एकता र आत्मअनुशासन सहितको सहकार्य आवश्यक छ, शाहले भने —आइतवारको प्रदर्शन मौन रहने छ ।

पटकपटक नेपाली कांग्रेसका नेताहरूमाथि आफ्नै केन्द्रीय कार्यालयमा भएको व्यवहार रोक्न र नेताहरूले एक आपसमा आक्षेप लगाउने कार्यलाई बन्द गर्न दबाव दिन यस खालको प्रदर्शनले मद्दत पुग्ने शाहको विश्वास छ । प्रदर्शनमा पार्टी भित्र अनुशासन कायम गरौं, अराजकतालाई नियन्त्रण गरौं, अन्तरघात गर्नेलाई कार्वाही गरौं जस्ता नारा लेखिएको ब्यानर प्रदर्शन गरिने भएको छ । नेविसंघको ११ औं महाधिवेशनबाट चुनिएको नैनसिंह महर नेतृत्वको नेविसंघको कार्यसमिति भने भंग भइसकेको छ ।

Related News

सम्बन्धित समाचार

    hero news full width

    sanil ads

    wordlink ads