हेमजा, १३ माघ । पोखरा–२५, हेमजास्थित गन्दर्भ बस्तीको बाटो शनिवारदेखि स्तरोन्नती थालिएको छ । वडास्तरीय योजनामा परेको उक्त बाटोको स्तरोन्नती कार्य अन्र्तगत चक्लाउने, पूर्वतर्फ ठूलो नाला तथा पश्चिमतर्फ गटर नाला निर्माण कार्य सुरु गरिएको हो ।

महानगरपालिकाको रु. ७ लाख २० हजार तथा स्थानीयको रु.१ लाख ८० हजारको लागतमा योजना सम्पन्न गरिने निर्माण समितिका अध्यक्ष खिमलाल तिम्सिना ‘अर्जुन’ले जानकारी दिए ।

सो बाटोबाट ६० घरधुरी प्रत्यक्ष लाभान्वित हुनेछन् । चैतसम्ममा नाला निर्माण सम्पन्न गर्ने र त्यसपछि कुल एक सय ७७ मिटर लामो उक्त सडकलाई ढलान गर्ने योजना निर्माण समितिले बनाएको सचिव सुनिल गायकले बताए । ढलानका लागि स्रोतको खोजी भइरहेको जनाइएको छ ।