पोखरा । पोखरा १३ ले निशुल्क सिपमूलक तालिम उपलब्ध गराएको छ । एड्भान्स कटाइसिलाइ, डिप्लोमा ब्युटी पार्लर, लोकसेवा अनलाइन कक्षा निशुल्करुपमा उपलब्ध गराइएको वडाध्यक्ष किरण बरालले जानकारी दिए । बरालका अनुसार ४५ जनाले निशुल्क तालिम लिइरहेका छन् ।

वडाले उपलब्ध गराएको निशुल्क तालिमले आत्मनिर्भर बन्न सिकाउने उनले उल्लेख गरे । सिप सिकेर खाली बस्नुपर्ने अवस्था सिर्जना नहुने उनले जिकिर गरे । भौतिक विकाससँगै शिक्षा, स्वास्थ्य, रोजगारीको क्षेत्रमा पोखरा १३ क्रियाशील छ । स्थानीय नागरिकको अपेक्षाअनुसारको कार्यलाई क्रमागत रुपमा अगाडि बढाउँदै लैजाने अध्यक्ष बरालले प्रतिबद्धता जनाए ।