एबीसीलाई उपाधि

Avatar एजेन्सी
माघ १३, २०७५
final photo_Fotor

पोखरा, १२ माघ। बगर भाइखलकले आयोजना गरेको आठौं रञ्जित गुरुङ स्मृति बगर भाइ खलक एट–ए–साइड भेट्रान फुटबल प्रतियोगिता उपाधि अमरसिंह ब्याइज क्लब (एबीसी) ले जितेको छ।

शनिबार फाइनलमा भारतको पाहुना टोली कोलकत्ता भेट्रानलाई टाइब्रेकरमा ३–२ गोलले पराजित गर्दै उसले उपाधि उचालेको हो।

निर्धारित समयमा दुवै टिमबाट कुनै गोल हुन नसकेपछि खेल टाइब्रेकरमा पुगेको थियो। टाइब्रेकरमा कोलकत्ताका खेलाडी आलोक दे को प्रहार बारमा ठोक्किँदा एबिसी भाग्यमानी बन्यो । विजेताले १ लाख र उपविजेताले ५० हजार साथमा ट्रफी, मेडल र प्रमाणपत्र प्राप्त गरे।

यसअघि, एबिसीले २०६८ देखि २०६९ सम्म लगातार जित हासिल गर्दै उपाधि माथि नै कब्जा जमाएको थियो।

शनिबार नै भएके सेमिफाइनलमा एबिसीले चावहिल काठमाडौंलाई टाइब्रेकरमा ३–२ र कोलकत्ता भेट्रानले एक्स पोखरा भेट्रानलाई ४–० ले पराजित गर्दै फाइनलमा प्रवेश गरेका थिए।

प्रतियोगितामा एबीसीका सञ्जय गुरुङ सवोर्त्कृष्ट खेलाडी घोषित भए। सवोर्त्कृष्ट गोलरक्षकमा एबीसीका रविन शाही, कोलकत्ताका शाहिक सिकन्दर सवोर्त्कृष्ट डिफेण्डर घोषित भए। उनीहरुले जनही ५ हजारसहित ट्रफी प्राप्त गरे।

कोलकत्ताका कमल भुनियाले सर्वाधिक ७ गोल गर्दै ५ हजार साथमा ट्रफी पाए।

विजयीलाई पोखरा महानगरपालिकाका मेयर मानबहादुर जिसी, हिमश्री फुड्सका निदेर्शक प्रकाश केसी, नेपाल ओलम्पिक कमिटी सदस्य तेज गुरुङ, मुख्य प्रायोजकतर्फबाट मेजर (रि) खुसीमान गुरुङ एमभिओ र उनकी धर्मपत्नी मञ्जु गुरुङ, बगर भाइखलक यूकेका भानु गुरुङ, ओमप्रकाश गुरुङ, कुमार गुरुङ, धनु थकाली, तमुधी यूकेका संस्थापक अध्यक्ष मीन गुरुङ लगायतले पुरस्कार वितरण गरे ।

बगर भाइखलक अध्यक्ष दिलबहादुर गुरुङको अध्यक्षतामा भएको कार्यक्रमको संचालन कास्की जिल्ला खेलकुद विकास समितिका अध्यक्ष समेत रहेका महासचिव याम गुरुङले गरेका थिए।

गत माघ ८ देखि संचालित प्रतियोगितामा २६ टिमको सहभागिता रहेको थियो।

Related News

सम्बन्धित समाचार

    • भलिबल उपाधि विधान स्पोर्ट्स हाउस वालिङलाई

      Avatar आदर्श समाज सम्वाददाता फागुन १६, २०७७
      पोखरा । विधान स्पोर्ट्स हाउस वालिङ स्याङ्जाले स्वर्गीय महेश खड्का स्मृति कप क्लब स्तरीय महिला तथा पुरुष भलिबल प्रतियोगिताको उपाधि…
    • नेपालकै ठूलो धनराशिको फुटसल

      Avatar आदर्श समाज सम्वाददाता फागुन १६, २०७७
      पोखरा । राजन ब्रदरहुड र स्पोर्टस् क्यासलको आयोजनामा आगामी चैतमा नेपालकै ठूलो राशिको खुला फुटसल प्रतियोगिता हुने भएको छ ।…
    • सुरु भयो बिटी कपको १४ औं संस्करण

      Avatar आदर्श समाज सम्वाददाता फागुन १६, २०७७
      पोखरा । बिटी कप सेभेन ए साइड नकआउट अन्तर क्लब फुटबल प्रतियोगिता पोखरामा आइतबार सुरु भएको छ । बुद्धटोल युवा…
    • देश्ना स्मृति कप भेट्रान्सको उपाधि ब्रदरवुडलाई

      Avatar आदर्श समाज सम्वाददाता फागुन १६, २०७७
      पोखरा । पोखरा महागरपालिका १ पुरानो टुडिखेलमा भएको ‘दोस्रो देश्ना चन्द स्मृति भेट्रान्स सेभेन ए साइड नयाँगल्ली कप २०७७’को उपाधि…
    • सचिन स्मृति दौडको उपाधि भारतीय सेना गुरुङलाई

      Avatar आदर्श समाज सम्वाददाता फागुन १५, २०७७
      फागुन । रोट्रयाक्ट क्लब अफ दमौलीले आयोजना गरेको १८ औं सचिन स्मृति खुल्ला दौड प्रतियोगितामा भारतीय सैनिक भरत गुरुङ विजेता…

    hero news full width

    sanil ads

    wordlink ads