पोखरामा प्रदेशस्तरीय बेटी सम्मेलन

आदर्श समाज सम्वाददाता
माघ २, २०७५
Beti sammelan_n

पोखरा, १ माघ । मूलधार महिला सेवा केन्द्र (मासवेस), उदयपुरको आयोजनामा पोखरामा मंगलबार प्रदेशस्तरीय बेटी सम्मेलन भएको छ ।

‘सहन नपरोस् हिंसा र दुव्र्यवहार, स्वास्थ्य र शिक्षालाई बनाऔं चेलीबेटी सशक्तीकरणको हतियार’ मूल नाराका साथ नेपाल परिवार नियोजन संघ कास्कीको सहयोगमा आयोजित सम्मेलनमा ५५ जनाको सहभागिता थियो ।

सम्मेलन उद्घाटन गर्दै गण्डकी प्रदेशकी उपसभामुख सिर्जना शर्माले कुनै न कुनै बहानामा चेलीबेटीमाथिको हिंसा जारी नै रहेको बताइन् ।

उनले महिलाहरुको स्वास्थ्य अवस्था समेत राम्रो नरहेको भन्दै महिलाहरुको स्वास्थ्यलाई राम्रो बनाउन आवश्यक रहेको औल्याइन् । उपसभामुख शर्माले मासवेसको अभियानलाई सहयोग गर्ने प्रतिबद्वता व्यक्त गरिन् ।

गण्डकी प्रदेशसभा सदस्य प्रभा कोइरालाले बेटी सम्मेलनले हिमाल, पहाड र तराईलाई समेटेको भन्दै प्रशंसा गरिन् ।

गण्डकी प्रदेशसभा सदस्य मीना गुरुङले महिला सशक्तीकरणका लागि बेटी सम्मेलनले महत्वपूर्ण भूमिका निर्वाह गर्न सक्ने विश्वास व्यक्त गरिन् ।

जिल्ला प्रहरी कार्यालय कास्कीका प्रमुख प्रहरी उपरीक्षक ओमबहादुर रानाले महिलाहरुमा आत्मविश्वासको विकास गर्न आवश्यक रहेको बताए ।

कार्यक्रममा नेपाली काँग्रेस कास्कीकी सदस्य बिन्दु भण्डारी, अधिकारकर्मी नम्रता बराल, कानून व्यवसायी जूना गुरुङ, नेपाल परिवार नियोजन संघ कास्की सचिव उमेशराज पराजुली, मासवेस प्रवक्ता सरिता राई, अभियन्ता अप्सना खातुन, सानु चौधरी लगायत बोलेका थिए ।

मासवेसकी अध्यक्ष एवं अभियान संयोजक नजबुल खानको अध्यक्षतामा भएको कार्यक्रममा कोषाध्यक्ष सानु चौधरीले स्वागत र संचारकर्मी सरिता पगेनी तिमिल्सिनाले संचालन गरेकी थिइन् ।मासबेसले आसनमा महिला, भाषणमा महिला, शासनमा महिला भन्ने मूलनाराका साथ सन् २०१२ देखि महिला सशक्तीकरणसम्बन्धी राष्ट्रिय अभियान संचालन गर्दै आएको अध्यक्ष खानले बताइन् ।

हालसम्म नेपालका २४ वटा जिल्ला सहित भारत र बङ्गलादेशमा समेत अभियान संचालन भैसकेको छ । मासबेसले माघ १८ देखि २० सम्म उदयपुरको त्रियुगा नगरपालिकाको गाईघाटमा प्रथम राष्ट्रिय बेटी सम्मेलन गर्दैछ ।

राष्ट्रिय सम्मेलनको तयारी स्वरुप सात वटै प्रदेशमा प्रदेशस्तरीय छलफल तथा संवाद कार्यक्रमहरु तय गरिएको छ । अहिलेसम्म चार वटा प्रदेशमा कार्यक्रम संचालन गरी सम्मेलनका लागि प्रतिनिधि छनोट गरिएको संस्थाकी प्रवक्ता सरिता राईले जानकारी दिइन् ।

संस्थाले सेभेन पिल्लर अफ नेपाल महिलाअंकित स्तम्भ निर्माण गर्ने र नेपालमा सेनेटरी प्याड निःशुल्क बनाउने उद्देश्य लिएको जनाएको छ ।

Related News

सम्बन्धित समाचार

  • कर्मचारी युनियन हिमालय आँखा अस्पतालमा प्रेमकुमार

    आदर्श समाज सम्वाददाता मंसिर १०, २०७९
    पोखरा । नेपाल स्वास्थ्यकर्मी तथा कर्मचारी युनियन हिमालय आँखा अस्पताल पोखरा अध्यक्षमा प्रेमकुमार नकर्मी निर्वाचित भएका छन् । युनियनको शनिबार साताै…
  • पोखरामा रैथाने भोजन सप्ताह

    आदर्श समाज सम्वाददाता मंसिर ९, २०७९
    पोखरा । पोखरामा ‘रैथाने भोजन सप्ताह अनि मःम जात्रा’ हुने भएको छ । नेपासा भोजनले मंसिर १० देखि रैथाने खानाको…
  • क्होइबों बनाउन १० लाख सहयोग

    आदर्श समाज सम्वाददाता मंसिर ७, २०७९
    पोखरा । घान्द्रुकमा निर्माण हुन लागेको क्होइबों धिंका लागि घान्द्रुक समाज हङकङले आर्थिक सहयोग गरेको छ । समाजले मंगलबार घान्द्रुक…
  • पोखरा विमानस्थल : ग्राउण्ड ह्याण्डलिङ माग्यो निगमले

    आदर्श समाज सम्वाददाता मंसिर ७, २०७९
    पोखरा । राष्ट्रिय ध्वजाबाहक नेपाल वायुसेवा निगम (नेपाल एयरलाइन्स) ले पोखरा क्षेत्रीय अन्तर्राष्ट्रिय विमानस्थलको भूमिस्थ सेवा ‘ग्राउन्ड ह्यान्डलिङ’ निगमलाई प्रदान…
  • जन्मदिनमा वृद्धाश्रममा खाद्यान्न वितरण

    आदर्श समाज सम्वाददाता मंसिर ६, २०७९
    पोखरा । हङकङलाई कर्मथलो बनाएका देवचन्द्र गुरुङ र सावित्री गुरुङले आफ्नो छोरा सम्राट गुरुङको १० औं जन्मदिनका अवसरमा पोखरा वृद्धाश्रमलाई…

hero news full width

Recent Posts

भर्खरै

trending post

ट्रेन्डिङ्ग