भलिबल प्रतियोगिताको लागि जापानी सहयोग

Avatar आदर्श समाज सम्वाददाता
पौष ८, २०७५

पोखरा, ७ पुस । नेपाल-जापान एजुकेशनल सपोर्ट क्लबले पोखरा १५ स्थित सिद्ध माविमा आयोजना हुने अन्तरविद्यालयस्तरीय मैत्रीपूर्ण् भलिबल प्रतियोगिताका लागि सहयोग गरेको छ ।

आगामी वर्षको मार्च ४ देखि ९ सम्म हुने सो प्रतियोगिताको लागि संस्थाले ३ लाख रुपैयाँ उपलब्ध गराउने संस्थाका अध्यक्ष किन्जो यामासीताले जनाए ।

पहिलो किस्तास्वरुप विद्यालयका प्रअ शंकर ज्ञवालीलाई ५० हजार रुपैयाँ हस्तान्तरण गरियो ।

विगत ३० वर्षदेखि संस्थाले नेपालका सरकारी विद्यालयको नयाँ भवन निर्माण, गरीब तथा जेहेन्दार विद्यार्थीलाई छात्रवृत्ति, फर्निचर, खेलकुद सामग्री, चिप्लेटी, पिङ सेटअप प्रदान एवं फोटो डे र शैक्षिक टूर गर्दै आएको छ । पोखरामा भने संस्थाले पहिलो पटक सो सहयोग गरेको संस्थाका नायोया-जापानका चिफ राजेन्द्र थापाले जानकारी दिए । भलिबल प्रतियोगितामा सेती पूर्वका १० सरकारी विदालयका कक्षा ९ देखि १२ सम्म अध्ययन गर्ने छात्रहरुले भाग लिनेछन् ।

सहयोग हस्तान्तरण कार्यक्रममा संथाका प्रतिनिधि सुनिल हिराचन र मनु हिराचनको समेत उपस्थिति थियो ।

हाम्रो सुझाव

टिभिएस अपाचे चौथो पोखरा स्पोर्टस् अवार्ड

खेलकूद सामाग्री हस्तान्तरण

भलिवलमा भकुण्डे युथ क्लब प्रथम

प्रमुख समाचार

अवैध हातहतियार सहित २४२ पक्राउ