स्नो भ्यूको २२ औं अभिभावक दिवस

Avatar आदर्श समाज सम्वाददाता
मंसिर २८, २०७५

हेमजा, २७ मंसिर। स्नो भ्यू बोर्डिङ स्कूल, हेमजाको २२ औं अभिभावक दिवस तथा पुरस्कार वितरण समारोह विहीवार शुरु भएको छ।

प्रमुख अतिथि गण्डकी प्रदेशका सांसद रामजीप्रसाद बरालले कार्यक्रम उद्घाटन गर्दै विगतको शिक्षा नीति त्रुटिपूर्ण हुँदा अहिलेको पुस्ताले दुःख पाइरहेको चर्चा गरे।

सांसद बरालले अबको शिक्षा समाजवाद उन्मुख हुनुपर्ने तर्क गर्दै शिक्षालाई व्यवहारिक बनाउन आवश्यक रहेको पनि बताए।

कार्यक्रममा पोखरा महानगर प्रमुखका स्वकीय सचिव लक्ष्मण तिम्सिना, महानगरपालिका शिक्षा महाशाखाका विद्यालय निरीक्षक वसन्तराज पौडेल, स्रोतव्यक्ति भीमराज शर्मा पौडेल लगायतले गुणस्तरीय शिक्षामा जोड दिए।

कार्यक्रममा कक्षा युकेजी र एलकेजीको समूहले बालगीत, कक्षा १० का छात्राले नृत्य, कक्षा २ र ३ का छात्राहरुले नृत्य, कक्षा ९ का छात्रबाट गीत र कविता, ममता सुनारको समूह र होस्टल समूहको नृत्य, अश्विन बास्तोला तथा प्रशान्त पौडेलले कमेडी प्रस्तुत गरेका थिए। त्यस्तै शैक्षिक तथा अतिरिक्त क्रियाकलापतर्फका विजयीलाई पुरस्कार वितरण गरिएको थियो।

विद्यालय व्यवस्थापन समिति अध्यक्ष तथा संस्थापक विष्णुदेवी पौडेलको अध्यक्षतामा सम्पन्न उक्त कार्यक्रममा शिक्षक पूर्णप्रसाद लामिछानेले स्वागत तथा संचालन शिक्षक छविराज पौडेलले गरेका थिए। कार्यक्रम २ दिनसम्म चल्नेछ।

हाम्रो सुझाव

विद्यार्थीको वढाउन बस सेवा

जानकी आधारभूत माविमा परिणत

हेमजाको साहित्य सिर्जना प्रशिक्षण

ला ग्राण्डीमा अनुसन्धानकर्तालाई स्वागत

अपाङ्गताको हेरचाह तालिम

प्रमुख समाचार

केपी ओलीको भागमा २८ माधव नेपालको भागमा १६ जिल्ला अध्यक्ष सूची सहित