यूनिप्स स्पोर्टस् मिट

आदर्श समाज सम्वाददाता
मंसिर २८, २०७५
unips_Fotor

पोखरा, २७ मंसिर। निजी तथा आवाशिय विद्यालयहरुको छाता संस्था संस्थागत तथा निजी विद्यालय संगठन नेपाल (यूनिप्स) को चौथो स्पोर्टस् मिट जारी छ ।

छात्रतर्फ फुटबल, छात्र-छात्रा भलिबल र कब्बडीका खेलहरु लेखनाथ भण्डारढिकस्थित खेल मैदानमा संचालन गरिएको प्रचार-प्रसार संयोजक सन्तोष तिवारीले जानकारी दिए।

विहीवार छात्र फुटबल खेल पिनाकल एकेडेमी र कालिका इङलिस बोर्डिङ स्कूलले जितेका छन्।

भलिबल छात्रतर्फ वेलनन, स्माइल हेभेन र एकता एकेडेमी विजयी भए।

कब्बडी छात्र जुनियरतर्फ वेललन, स्माइल, गेफ र पिनाकलले जित हासिल गरे।

सो इभेन्टको छात्रा जुनियरमा गेफ सेकेण्डरी, ज्ञानकुञ्ज, जनकल्याण र होली एञ्जल बिजयी रहे। प्रतियोगितामा यूनिप्सअन्तर्गत कास्कीका १८ विद्यालयका ३ हजार विद्यार्थीको सहभागिता रहेको अध्यक्ष शान्ता गुरुङले जानकारी दिएका छन।

खेलको औपचारिक उद्घाटन पुस १ मा पोखरा रंगशालामा हुनेछ  ।

Related News

सम्बन्धित समाचार

hero news full width