फरक शैलीमा मस्र्याङ्दी महोत्सव

आदर्श समाज सम्वाददाता
कार्तिक १५, २०७५

लमजुङ, १४ कात्तिक। मस्र्याङ्दी गाउँपालिकाले प्रथम मस्र्याङदी महोत्सव-२०७५ आयोजना गर्ने भएको छ।

विगतमा उद्योग वाणिज्य संघ आयोजक हुने गरेकोमा यसपालिदेखिस्थानीय तह अर्थात मस्र्याङ्दी गाउँपालिकाले पृथकरूपमा चारदिने महोत्सवको तयारी गरेको वुधवार आयोजित पत्रकार सम्मेलनमा जानकारी दिइएको हो। गाउँपालिकाको खुदी बजारमा हरिवोधनी एकादशी अर्थात ठूलो एकदशीमा लाग्ने मेलाको अवसरमा मंसिर ३ देखि ६ गतेसम्म महोत्सव गर्न लागेको मस्र्याङदी गाउँपालिकाका अध्यक्ष अर्जुन गुरुङले जानकारी दिए।

गाउँपालिकाको थप चिनारी तथा स्थानीय उत्पादनलाई प्रवर्द्धन गर्दै धर्म, संस्कृति, परम्परालाई संरक्षण गर्ने र स्थानीय उत्पादनलाई प्रवर्द्धन गर्ने महोत्सवको उद्देश्य रहेको छ ।

मस्र्याङदी गाउँपालिका-३, खुदीस्थित अमर मावि परिसरमा आयोजना हुने सो महोत्सवमा ३० वटा स्टल रहने र तीमध्ये ४ वटा स्टलमा पूर्ण रूपमा स्थानीय उत्पादनका बिक्री कक्ष हुनेछन् ।

महोत्सव मूल समारोह समिति सचिव तीर्थ बस्नेतका अनुसार विद्यार्थी, ज्येष्ठ नागरिक र अपांगता भएका व्यक्तिका लागि टिकटमा ५० प्रतिशत छुट दिने प्रबन्ध गरिएको छ।

महोत्सव मूलसमारोह समिति सहसंयोजक एवं मस्र्याङ्दी गाउँपालिकाका उपाध्यक्ष होम विकले सो अवसरमा गीत, नृत्य, संगीत तथा खेलकुदमार्फत प्रतिभा प्रस्फुटन गर्दै थप अवसर सिर्जना गर्ने, स्थानीय उत्पादन, ब्यापार ब्यबसाय, उद्योगधन्दाको प्रबर्द्धन गर्दै स्वरोजगार तथा आयआर्जनमा वृद्धि गर्ने, आपसी एकता, जातीय तथा धार्मिक सद्भाव सिर्जना गर्ने महोत्सवको थप उद्देश्य रहेको बताए ।

महोत्सवका आकर्षणमा वडास्तरीय लोकदोहोरी तथा अन्तरमाविस्तरीय नृत्य प्रदर्शनी, मनोरञ्जनात्मक वाल उद्यान, खुला भलिबल तथा परम्परागत छेलो प्रतियोगिता, राष्ट्रिय तथा स्थानीय कलाकारहरुको प्रस्तुति रहेको महोत्सव मूल समारोह सचिव तीर्थ बस्नेतले बताए। उनका अनुसार  स्त्रीरोगसम्बन्धी निःशुल्क दुर्इदिने स्वास्थ्य शिविर, विभिन्न जातजातिको कला, संस्कृति, झाँकी, प्रदर्शनी, स्थानीय उत्पादन, जडीबुटी, उद्योग व्यवसाय तथा हस्तकलाको प्रदर्शनी तथा बिक्री रहेको छ।

त्यस्तै, महोत्सव अवसरमा होमस्टे गाउँहरुको भ्रमण तथा हनी हण्टिङ, घनपोखराको अवलोकन, प्याकेजमा पावरहाउस, सुरुङमार्ग, झरना, ड्यामसाइट, डा. हर्क गुरुङ समाधिस्थल पार्क लगायत पर्यटकीय स्थल अवलोकन भ्रमण, ऐतिहासिक, धार्मिक र पर्यटकीय स्थलहरूको फोटो प्रदर्शनी, मस्र्याङ्दी मिनी म्याराथन प्रतियोगिता गरिने छन् ।

महोत्सव सफल बनाउन गाउँपालिका अध्यक्ष अर्जुन गुरुङ संयोजक र उपाध्यक्ष होम विक सहसंयोजक रहेको १ सय २५ सदस्यीय मूलसमारोह समिति र १५ सदस्यीय सचिवालय समिति तथा विभिन्न १० उपसमिति गठन गरिएको गाउँपालिकाका प्रमुख प्रशासकीय अधिकृत बद्रीनाथ सापकोटाले जानकारी दिए।

उक्त महोत्सवका १६ लाख रुपैयाँ खर्च हुने र एक करोडको कारोबार हुने अनुमान गरिएको आर्थिक उपसमितिका संयोजक वीरेन्द्र भण्डारीले बताए।

Related News

सम्बन्धित समाचार

  • दसैँँका लागि घर सजाउँदै

    रासस असाेज १४, २०७९
    दोधारा चाँदनी । यतिबेला कञ्चनपुरका थारु समुदायका महिलाहरु दसैँँका लागि घर सजाउन व्यस्त छन् । अहिले घर चिटिक्क पार्ने, आँगन…
  • पत्रकार आचार्य र जोशी सम्मानित

    आदर्श समाज सम्वाददाता असाेज १३, २०७९
    नेपालगञ्ज । हरिजमुना स्वतन्त्र पत्रकारिता पुरस्कार पत्रकार रामप्रसाद आचार्यलाई प्रदान गरिएको छ । त्यस्तै, सिर्जनशील पत्रकारिता पुरस्कार निशु जोशीलाई प्रदान…
  • सृजना विकास केन्द्रमा कृष्ण थापा

    आदर्श समाज सम्वाददाता असाेज १२, २०७९
    पोखरा । सृजना विकास केन्द्रको ४५ औं साधारण सभाले अध्यक्षमा कृष्णबहादुर थापालाई निर्वाचित गरेको छ । अध्यक्षका प्रत्यासी चन्द्र गिरिलाई पराजित…
  • कर फिर्ताको निर्णयमा गण्डकी कांग्रेसको स्वागत

    आदर्श समाज सम्वाददाता असाेज ९, २०७९
    पोखरा । नागरिकको मागलाई सम्बोधन गर्दै गण्डकी प्रदेश सरकारले करका दर समायोजन गरेकामा नेपाली कांग्रेस गण्डकीले स्वागत गरेको छ ।…
  • व्याकुल माइलालाई  मासिक ५० हजार, सत्यमोहनलाई एक नर्स

    आदर्श समाज सम्वाददाता असाेज ९, २०७९
    पोखरा ।  सरकारले राष्ट्रिय गानका रचयिता प्रदीपकुमार राई (व्याकुल माइला) लाई सहज जीवन यापनको लागि मासिक ५० हजार रुपैयाँ उपलब्ध…

hero news full width