पोखरा, १० असोज। नेपाली काँग्रेसका केन्द्रीय सदस्य शंकर भण्डारीले राजतन्त्र फालिएकोप्रति सन्तुष्ट नरहेको बताएका छन्।
पोखरामा पत्रकारहरुसँग कुरा गर्दै उनले घुमाउँरो हिसाबले राजतन्त्रको पक्षमा आफ्नो धारणा सार्वजनिक गरे।
‘जब राष्ट्रियताका कुरा आउँथ्यो काँग्रेस राजासँग नजिक हुन्थ्यो, लोकतन्त्रमा समस्या आयो भने कम्युनिष्टलाई साथमा लिन्थ्यो,’ उनले भने, ‘राजतन्त्र सकिएपछि अहिले काँग्रेस र कम्युनिष्टको दुर्इ धार छ। राजतन्त्र फालेकोप्रति मेरो असन्तुष्टि छ।’ उनले नेपाली जनताले निर्णय गरे देशमा राजतन्त्र फर्किन सक्ने संकेत समेत गरे। भण्डारीले संघीयता कार्ययोजनाविहीन हिसाबबाट आएकोले कार्यान्वयनमा चुनौती देखिएको गुनासो गरेका छन्। ‘पार्टीले आधिकारिक निर्णय गरेकोले म संघीयताकै पक्षमा छु। तर नेपाली काँग्रेस वा नेकपा कसैले पनि तयारीले यो संरचना ल्याएका होइनन्,’ उनी भन्छन्, ‘संघीयता कार्यान्वयनको कुनै कार्ययोजना छैन। जबर्जस्ती निर्णय गराइएको हो। त्यसैले समस्या आइरहेको छ।’
उनले पार्टीभत्र काँग्रेसभन्दा नेताका पछि लागेर निर्णय गर्दा काँग्रेसलाई समस्या परिरहेको बताएका छन्। नेता भण्डारीले पार्टीभत्रका युवा नेताहरु योगदानभन्दा बढी लाभमा केन्द्रित भएको आरोप लगाए। ‘कसले कति योगदान दियो, त्यो सबैलाई थाहा छ। पार्टीमा लागेर कति फाइदा लियो भन्ने पनि हिसाबकिताब छ,’ उनले भने, ‘योगदानभन्दा धेरै लाभ लिनेहरु धेरै भए। यसले पार्टीमाई समस्यामा पारेको छ।’
उनले सरकारका गतिविधिबारे पनि कटाक्ष गरेका छन्। ‘सरकार आलोचनाका लागि पनि लायक छैन।जनताबाट पूर्ण अनुमोदित दलबाट बनेको सरकारले किन देशलाई आर्थिक समृद्धिको बाटोमा लैजान सकेन, शान्तिसुरक्षा खै ?, उनी भन्छन्, ‘जताततै बलात्कार, हत्या हिंसा बढिरहेको छ। यसलाई रोक्ने सरकारको स्पष्ट कार्ययोजना के हो ? निदोर्षलाई पक्राउ गरेर हत्यारा साविक गर्न खोज्दैछ सरकार।’
काँग्रेस केन्द्रीय सदस्य भण्डारीले सिके राउतलाई सरकारले नै प्रश्रय दिइरहेको आरोप लगाए। ‘सिके राउत को हो, कहाँबाट आयो ?, उनले थपे, ‘देश टुक्राउनुपर्छ भन्ने अधिकार कसले दियो र राज्य के हेरेर बसिरहेको छ, कारबाही गर्न किन सकिरहेको छैन ?’
उनले काँग्रेस विधान संशोधनको चरणमा रहेकोले आगामी कार्यदिशासहित सुझाव दिन आग्रह गरेका छन्।
Related News
सम्बन्धित समाचार
एकीकृत सरकारी कर्मचारीको भित्तेपात्रो विमोचन तथा शुभकामना आदानप्रदान
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
अधिकारी सरकारको भविष्य के होला ? सर्वाेच्चमा सुनुवाइ आज
मन्त्री चुमानले सम्हाले अर्थ मन्त्रालयको कार्यभार, लगानी सम्मेलन प्राथमिकतामा
चुमानलाई पहिलोपटक ढुकुटीको साँचो, मनाङे फेरि भौतिकमा
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१