पोखरा । भागवत् भाष्कर पं. कमलनयन गौतमलाई शिक्षा पुरस्कार प्रदान गरिएको छ ।

पोखरा–५, पस्र्याङ बगैँचास्थित हेरम्वप्रसाद पार्वती कोइराला शिक्षा प्रतिष्ठानले बुधबार एक समारोहबीच उनलाई १ लाख १ हजार राशिको उक्त पुरस्कार प्रदान गरेको हो ।

त्यस अवसरमा वाराही मावि, धर्मस्थली आवि तथा पोखरा चिसाखोला विद्धाश्रमका उत्कृष्ट २÷२ जना विद्यार्थीलार्ई जनही ५ हजार दरले छात्रवृत्ति पनि प्रदान गरियो ।

पोखरा विश्वविद्यालयका उपकुलपति प्राडा प्रेमनारायण अर्यालले धर्म संस्कृतिको महत्वमाथि प्रकाश पार्दै संस्कृत शिक्षाको महत्व दिनप्रतिदिन बढ्दै गइरहेको औंल्याए ।

पुरस्कार प्राप्त प.गौतमले पुरस्कारसँगै आफूलाई थप कार्य गर्न हैसला प्राप्त भएको उल्लेख गर्दै मानिसले आफ्नो व्यवहार र आचारण सुधार ल्याउनुपर्ने औंल्याए । त्यस अवसरमा प्रतिष्ठान अध्यक्ष रमेशप्रसाद कोइराला, उपाध्यक्ष डा.भोजराज न्यौपाने, समाजसेवी कमल कोइराला, मूल्यांकन समिति संयोजक रवीन्द्र माकाजु, वाराही माविका प्रअ शिवप्रसाद भण्डारी लगायतले बोलेका थिए ।

उनीहरुले शिक्षा तथा संस्कृतिको क्षेत्रमा हेरम्वप्रसादको भूमिका अनुकरणीय रहेको बताए ।