पोखरा । अन्तर्राष्ट्रिय गणित दिवस (मार्च १०) का अवसरमा नेपाल गणित समाज गण्डकीले हालै म्याथम्याट्रिक्स इन स्ट्रिट कार्यक्रम पोखराका खुदीलगायत विभिन्न सडकहरूमा भव्यताका साथ हालै सम्पन्न गरेको छ ।

पोखरा विश्वविद्यालयका उपकूलपति प्राडा प्रेमनारायण अर्यालले खेलका माध्यमबाट कार्यक्रमको उद्‌घाटन गर्दै गणित विषय आफैंमा अत्यन्त गहन भएकाले त्यस क्षेत्रमा काम गर्ने व्यक्तिहरू नै जिम्मेवार भएर लाग्नुपर्ने बताए ।

गणित समाज, गण्डकीका अध्यक्ष प्राडा त्रिभुवन शर्माले गणितको महŒव र यसको व्यावहारिक ज्ञान जनसमक्ष पु¥याउने कार्यक्रम‌को उद्देश्य रहेको जानकारी दिए ।
पोखरा विश्वविद्यालय विज्ञान तथा प्रविधि अध्ययन संस्थानका डिन तथा गणित समाज गण्डकीका उपाध्यक्ष प्रा. राजनकुमार ठगुराठीले कार्यक्रमबारे प्रकाश पारे ।

कार्यक्रममा कोषाध्यक्ष माधवप्रसाद पौडेल, सदस्यहरू मञ्जु सुवेदी, रमेशकुमार आचार्य र ठाकुरप्रसाद पोख्रेल तथा स्वयंसेवी विद्यार्थीहरूले आगन्तुकलाई गणितसम्बन्धी विभिन्न खेलहरु खेलाएर मनोरञ्जन प्रदान गरे । कार्यक्रममा मदरल्यान्डलगायत विद्यालयका विद्यार्थीले आफ्नो पायक पर्ने ठाउँमा यो दिवस मनाएका थिए ।

गणित समाज गण्डकीका सचिव विश्वराज अधिकारीले सञ्चालन गरेको औपचारिक कार्यक्रममा सदस्य डा खरिका पराजुली र केन्द्रीय सहसचिव सहप्राध्यापक डा. ईश्वरमणि अधिकारीले गणितसम्बन्धी कविता तथा गजल सुनाएका थिए ।