पोखरा । मौरीपकेट क्षेत्ररुपमा विस्तार हुँदै गएको पोखरा १६ का कृषकलाई घार वितरण गरिएको छ ।
वडास्तरीय कृषि सञ्जालद्वारा बिहीबार लामाचौरमा आयोजित कार्यक्रमबीच ४ लाख मूल्य बराबरका १ सय आधुनिक घार कृषकलाई वितरण गरिएको हो ।
उत्तीसको काठ र टुनीका फ्रेम रहेको ४ हजार मूल्य रहेको उक्त प्रतिघारमा पोखरा महानगरपालिकाको ५० प्रतिशत अनुदान र बाँकी स्वयं कृषकले व्यहोर्ने व्यवस्था मिलाइएको छ ।
गत आर्थिक वर्षमा वितरण गरिएका कुल २३ लाख ४६ हजार मूल्य बराबरका १ सय ९३ घारमा फस्टाएका मौरी फोरेर नयाँ घारमा विस्तार गर्ने लक्ष्यका साथ यस वर्ष पनि कृषकलाई खालीघार वितरण गरिएको कार्यक्रममा जानकारी दिइयो ।
पोखरा १६ का वडाध्यक्ष अमृत शर्मा तिमिल्सिनाले कृषकलाई मौरीघार वितरण गर्दै व्यावसायिक मौरीपालनमा जुट्न वडावासीलाई आग्रह गरे । ‘महानगरले यस वडालाई मौरीको पकेट क्षेत्र घोषणा गरि मौरीपालक कृषकलाई सहयोग गर्दै आएको छ,’ उनले भने, ‘मह र घार बिक्रीबाट आयआर्जन गर्दै स्वरोजगार बन्नु आजको आवश्यकता हो ।’
वडा कृषि सञ्जाल अध्यक्ष जितबहादुर बस्नेतका अनुसार महानगरको १३ लाख ९५ हजार रुपैयाँ अनुदान र कृषकको १३ लाख ५१ हजार लगानी भइसकेको छ ।
गत जेठमा वितरण गरिएका घारबाट कृषकले पहिलो पटक मह उत्पादन शुरु गरेको बताउँदै उनले चरनको राम्रो व्यवस्था र कृषकको मेहनतले यस वडा महको हव बन्ने विश्वास व्यक्त गर्दै हालसम्म २ सय ९३ थान मौरीका घार वितरण भएको बताए ।
महानगर कृषि सञ्जालको अनुदान र आफ्नो व्यक्तिगततर्पmबाट मौरी सहितका ६ घार खरिद गरेको बताउने पोखरा १६ स्थित महेन्द्र गुफा चोककी निर्मला बस्नेतले मह बिक्री सुरु गरेको बताइन् ।
अर्मला जुम्लेटीकी सीता कार्कीको घरमा ४ घार छन् । उत्पादित मह बिक्री हँुदैन कि भन्नु पर्दैन खरिद गर्ने ग्राहक घरमै आउँछन् । ५० प्रतिशतमा आज प्राप्त गरेका २ खालीघारमा मौरी राख्ने तयारी गरेकी छन् ।
महानगरको आर्थिक सहयोग एवं कृषि सञ्जालको व्यवस्थापनमा व्यवसायिक कृषकलाई तीनदिने मौरीपालन तालिम समेत प्रदान गरिएको थियो । तालिम लिएका कृषकलाई मात्र अनुदानको घार वितरण गरिने व्यवस्था रहेको छ ।
महानगर कृषि महाशाखाले अर्मलालाई कृषिको हव बनाउने लक्ष्यका साथ मौरीसहित तरकारी, पशुपालन, आलुको बिउ उत्पादन लगायत क्षेत्रमा अनुदानको व्यवस्था गरेर कृषकलाई प्रोत्साहन गर्दै आएको छ ।
Related News
सम्बन्धित समाचार
‘कुखुरा कल्याणमा केज प्रणाली अनुपयुक्त’
पशु स्वास्थ्य प्राविधिकलाई अभिमुखीकरण
माझठानाका कृषकलाई तालिम
कास्कीको मादीमा एउटै फार्मका दुई सय ८० बाख्रा मरेपछि…
फेदीखोलाको सर्केटारीमा प्रथम आलु प्रदर्शनी
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१