पोखरा । गलबन्दी र बोलमायाको सफलतापछि चर्चित गायक प्रकाश सपूतले दोस्रो भागको रुपमा ‘दमाई महाराज’ शीर्षकमा नयाँ गीत सार्वजनिक गरेका छन् ।

शुक्रबार सार्वजनिक गीतमा उनीसँगै गायिका शान्तिश्री परियारको स्वर छ । साथमा कोरस कलाकारले साथ दिएका छन् । ‘सकम्बरी’ पछिको अफिसियल यो गीतमा प्रकाशकै निर्देशन, शब्द, संगीत छ । गीतलाई सुदिप सागरले संगीत संयोजन गरेका हुन् ।

भिडियोमा प्रकाशसँगै अञ्जली अधिकारी, गीता ढुंगाना, गरिमा शर्मा, प्रभात ठकुरीलगायतको अभिनय छ । गलबन्दी गाउँपालिकामा आयोजित एक धार्मिक सप्ताहको परिवेशमा प्रकाशले भिडियोको कथा उनेका छन् । भिडियोले जातीय विभेदविरुद्ध सन्देश दिन्छ । ‘दमाई महाराज’ गीतको भिडियोले विभेदकारी अन्धविश्वास चिर्ने विश्वास गरिएको छ ।