पोखरा । लायन्स क्लब अफ पोखरा फर्निसिङको आयोजनामा पोखरा ३१ लामास्वाँरास्थित इन्द्रेणी आधारभूत विद्यालय र चक्रदेवी मन्दिर परिसरमा शनिबार वृक्षरोपण गरिएको छ ।

कार्यक्रम संयोजक गोविन्द शर्माका अनुसार धूपी, बेल, जारकान्डा, म्याङ्गो स्टिक, वर, रुद्राक्ष, निम, हर्रो, अमला तेजपत्ता लगायत गरी ४५ वटा बिरुवा रोपिएको छ ।

वडा सदस्य विनोदमणि लामिछानेको प्रमुख आतिथ्यतामा भएको कार्यक्रममा डिस्ट्रिक्ट अग्रज लायन एवं वडा सदस्य सुदीप ढुंगाना सहभागी थिए । सुदीप ढुंगाना, क्लब अध्यक्ष मदन केसी लगायतका क्लबका पदाधिकारी एवं सदस्यको सहभागिता थियो ।

क्लबको वार्षिक कार्यक्रम अन्तर्गत वृक्षरोपण गरिएको संयोजक शर्माले बताए । उनका अनुसार अहिले रोपिएको बिरुवाको बर्सेनि गोडमेल र संरक्षण गरिने छ ।