पोखरा । पोखराको फेवातालमा एक युवक मृत फेला परेका छन् । अन्दाजी ४५ वर्षीय ती पुरुषको पहिचान खुल्न सकेको छैन ।

स्थानीयले सोमबार साँझ साढे ६ बजे तालको वाटरफ्रन्ट र गैराको चौताराबीचमा तैरीरहेको अवस्थामा शव देखेपछि प्रहरीलाई खबर गरेका थिए । वडा प्रहरी कार्यालय बैदामबाट खटिएको प्रहरी टोलीले शव उद्धार गरी पश्चिमाञ्चल क्षेत्रीय अस्पताल लगेको थियो ।

२ दिनसम्म सनाखत हुन नसकेपछि कास्की प्रहरीले ती पुरुषको हुलिया दिंदै चिनेजानेको भए सम्पर्क गर्न आग्रह गरेको छ । करिब ५ फिट ७ इन्च अग्ला उनी गहुँगोरो छन् । बायाँ हातको नाडीमा खत छ भने फिक्का गेरु रंगको हाफ टिसर्ट, सेतो स्याण्डो, नीलो ट्राउजर लगाएका छन् ।