पोखरा। जुम्लाका धीरबहादुर बुढा र गणना भण्डारीले अन्नपूर्ण म्याराथनको उपाधि जितेका छन् । अन्नपूर्ण सेन्चुरी पर्यटन समितिको आयोजनामा भएको तेस्रो संस्करणको म्याराथनमा पुरुषतर्फ धीरबहादुर र महिलातर्फ गणना विजयी बनेका हुन् ।
अन्नपूर्ण प्रथम हिमाल आरोहण दिवसका सन्दर्भमा आयोजित म्याराथनमा जुम्लाका धावक धीरबहादुरले ४ घण्टा १० मिनेट ५१ सेकेण्डमा दुरी पार गर्दै उपाधि जिते । नेपाल आर्मीका धावक होमलाल श्रेष्ठले ४ घण्टा १२ मिनेट ३२ सेकेण्डमा दुरी पार गर्दै दोस्रो भए । आर्मीकै वेदबहादुर सुनुवारले ४ घण्टा १६ मिनेट ४८ सेकेण्डमा दुरी पार गर्दै तेस्रो स्थानमा प्राप्त गरे ।
महिलातर्फको म्याराथन जुम्लाकी गणना भण्डारीले उपाधि जिते । उनले ५ घण्टा ४३ मिनेट २ सेकेण्डमा दुरी पार गर्दै उपाधि हात पारिन् । धादिङकी रशिला तामाङले ६ घण्टा ५ मिनेट २ सेकेण्डमा र ओखलढुंगाकी चोकी शेर्पाले ६ घण्टा ११ मिनेट १६ सेकेण्डमा दुरी पूरा गर्दै क्रमशः दोस्रो र तेस्रो भए ।
पुरुषतर्फ पहिलोले उपाधिसहित १ लाख ५० हजार प्राप्त गरे । दोस्रो र तेस्रोले क्रमशः १ लाख र ७५ हजार प्राप्त गरे । महिलातर्फ प्रथमले उपाधिसहित ७५ हजार, दोस्रोले ५० र तेस्राले २५ हजार रुपैयाँ पुरस्कार पाए ।
अन्नपूर्ण पर्यटन पत्रकारिता पुरस्कारबाट पत्रकार रुपनारायण ढकाल र सन्तोष पोखरेल सम्मानित
अन्नपूर्ण हिमालको आधार शिविरबाट सुरु म्याराथन माछापुच्छ«े आधार शिविर, बगर, देउराली, किम्रोङखोला, उरी हुँदै घान्द्रुकमा आएर सकिएको कार्यक्रम संयोजक ललित गुरुङले बता । सन् १९५० जुन ३ तारिखमा फ्रान्सका मौरिस हर्जोगले अन्नपूर्ण हिमालको चुचुरोमा पाइला टेकेको दिनलाई ‘अन्नपूर्ण आरोहण दिवस’ का रुपमा मनाइन्छ ।
दिवस अवसरमा आयोजित अन्नपूर्ण सेन्चुरी महोत्सवमा गाउँस्तरीय भलिबल प्रतियोगिता, बास्केटबल प्रतियोगिता पत्रकारिता पुरस्कार वितरण, हर्स राइडिङलगायत विविध सांस्कृतिक कार्यक्रम गरियो ।
गाउँस्तरीय पुरुष भलिबलको उपाधि तनहुँको ठकुरी समाज बाबियोडाँडाले जितेको छ । शनिबार फाइनलमा ठकुरी समाज तनहुँले घान्द्रुक क्ल्यूलाई ३–२ सेटमा पराजित गर्दै उपाधि चुमेको हो ।
उपाधि विजेता ठकुरी समाजले ८० हजार र उपविजेता घान्द्रुक क्ल्यूले ५० हजार पुरस्कार प्राप्त गरे । पुरुष भलिबलमा १३ टिमले भाग लिएका हुन् ।
बास्केटबलको उपाधि मर्दीखोलाले जितेको छ । फाइनलमा मर्दीखोलाले छोम्रोङ ब्रदर्शलाई पराजित गर्दै मर्दीखोलाले उपाधिसहित ८० हजार, ट्रफी, मेडल र प्रमाणपत्र प्राप्त ग¥यो । छोम्रोङले ५० हजार पायो ।
ठेलो प्रतियोगितामा सञ्जुविक्रम शाह प्रथम हुँदै ५ हजार र द्वितीय नगेन्द्र गुरुङले ३ हजार रुपैयाँ प्राप्त गरे । यसैबीच, २५ हजार राशिको अन्नपूर्ण पर्यटन पत्रकारिता पुरस्कार–२०८० बाट पत्रकार रुपनारायण ढकाल र सन्तोष पोखरेल सम्मानित भए ।
Related News
सम्बन्धित समाचार
लेखनाथ हाफ म्याराथनमा आर्मीका सञ्जय च्याम्पियन
पोखरा अन्तर्राष्ट्रिय म्याराथन: ह्विलचेयर दौडमा गौली र कुमाल प्रथम
कोल्मामा भएको क्रसकन्ट्री दौडको उपाधि आर्मीका तामाङ्लाई
रामजीलाई लेखनाथ हाफ म्याराथनको उपाधि
तनहुँको घिरिङमा आयोजित पर्रवतीय दौडमा आर्मीको वर्चश्व
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१