पोखरा । द्वितीय ग्यालेक्सी एसइई भलिबल प्रतियोगिताको उपाधि पोखरा भलिबल ट्रेनिङ सेन्टरले जितेको छ ।

पोखरास्थित न्यु ग्यालेक्सी स्कुलद्वारा आयोजित प्रतियोेगिताअन्तर्गत शुक्रबार भएको फाइनल प्रतिस्पर्धामा जनकल्याण युवा क्लबलाई पराजित गर्दै पोखरा भलिबल ट्रेनिङ सेन्टरले उपाधि जितेको हो ।

८ टिम सहभागी प्रतियोगिताको फाइनलमा पोखरा भलिबल ट्रेनिङ सेन्टरले जनकल्याणमाथि २४–१९, २४–२६ र १८–२४ को सेटमा जित हासिल गरेको हो ।
विजेता पोखरा भलिबल ट्रेनिङ सेन्टरले नगद १० हजार र उपविजेता जनकल्याणले ५ हजार रुपैयाँ पुरस्कार हात पा¥यो ।

प्रतियोगितामा जनकल्याणका क्रिस मल्ल ठकुरी सर्वोत्कृष्ट र पर्वत कुँवर बेष्ट स्पाइकर खेलाडी घोषित भए ।

उनीहरुलाई जिल्ला खेलकुद विकास समिति कास्कीका अध्यक्ष तोरण बानियाँ, न्यु ग्यालेक्सी स्कुलका प्राचार्य डा. रामजी शर्मा, सहायक प्राचार्य राजेश भण्डारीलगायतले पुरस्कार प्रदान गरेका थिए ।

अध्यक्ष बानियाले खेलकुद खेल्नका लागि नभई मनोरञ्जन र स्वास्थ्यका लागि पनि भएको बताए । उनले भलिबल खेलाडी उत्पादनमा यस्ता प्रतियोगिताले महŒवपूर्ण भूमिका खेल्ने भन्दै यस्ता प्रतियोगिताका लागि खेलकुद विकास समितिले ध्यान दिने स्पष्ट पारे ।

विद्यालयका प्राचार्य डा. शर्माले विद्यालयबाटै खेलाडी उत्पादन गर्ने उद्देश्यले प्रतियोगिता आयोजना गरिएको बताए । उनले खेलकुदसँगै अध्ययनलाई पनि निरन्तरता दिन खेलाडीलाई आग्रह गरे ।

आर्थिक अभावका कारण कक्षा ११ र १२ को अध्ययनबाट बञ्चित हुनु नपर्ने भन्दै त्यस्तो भएमा विद्यालयमा सम्पर्क गर्न उनले आग्रह गरे ।
कार्यक्रममा विद्यालयमा सहायक प्रधानाध्यापक भण्डारी, शैक्षिक विभाग प्रमुख भरत भण्डारी र प्रतियोगिता संयोजक क्या. वीरबहादुर गुरुङले बोलेका थिए ।