पोखरा । गोरखामा मोटरसाइकल दुर्घटना हुँदा सप्तरीका २३ वर्षीय लक्ष्मीकान्त चौधरीको मृत्यु भएको छ।

बिहीबार राति करिब ११ बजे गोरखाको भीमसेन थापा गाउँपालिका–१ निबेलमा उनले चलाएको भे ६ प ७४३ नम्वरको मोटरसाइकल अनियन्त्रित भई सडकबाट करिव दश मिटर तल खसेको थियो। सूर्य कन्स्ट्रक्सन कम्पनीका स्काभेटर चालक उनको घटनास्थलमै मृत्यु भएको जिल्ला प्रहरी कार्यालयले जनाएको छ।

शव पोष्टमार्टमका लागि गोरखा अस्पताल राखिएको र मृतकको आफन्तलाई खबरसमेत गरिसकिएको डिएसपी लिलाराज लामिछानेले बताए।